BIESOZY 28:15 - Mara Bible RV (BSI)

¹⁵ Phopi dyhchhiepa chô liata ryureihtuh chhiepa cha, Chakeibarôhneipa a rôhpa hawhta châ ta, Chavyh a thyupa hawhta a châ.

BIESOZY 28:15 ပူးပေါင်းရင်းမြစ်များ

2 ABEIZY 15:16

Menâhe ta Tiphasa khih nata a chhôh liata a ypa zydua nata Tizah a vaw pazipa râh zydua a dyuh ta. Ano châta amâ pahy leipa vâta parao khai ta, saw phaohpa chanô taihta ama py hriechheih ta a pahy khai ei.

2 ABEIZY 2:24

A vaw heih ta, âmo cha vaw hmô ta, Abeipa moh ta ama chô liata chhiesa ta. Lyurâhpa tawhta chavyh panô pô no vaw pua ei ta, ama hry liata hawti sypalih nata panozy cha a hriechheih khai ha ei.

2 ABEIZY 21:16

Cha dei châ vei, Manase cha mosiapa thisaih thata palo ta, Zerusale doh nata hâ cha thisaih ta a pabie haw. Cha cha Zudâh pamoleisapa ta, Abeipa mohmô liata hmo pha lei ngaitapa ama taopa thota a taopa moleina a châ.

PUASAINA 1:13

Chatanachata Izi mo ta Izarei sawzy cha riethei ngaitapa ta rai ama pahriasa lymâ.

PUASAINA 1:22

Chatawcha Phiraoh ta a phopi zydua hnohta, “Hebrai sawchapaw a pihpa maih Nile chavah liata thy lymâ aw ei chi ta, sawchanô deikua nama pahlôh aw,” tahpa ta biepie ta.

BIESOZY 17:12

Ahrupa a hru nota a tyh awpa hlâta cha, Chavyh a taw la hapa a tyh awpa ngâh â chhih via.

BIESOZY 19:12

Abei hiehâna cha chakeibarôhneipa a rôhpa hawhta châ ta, A khokheina deikua cha sibiepa chôta diati a tlapa hawhta a châ.

BIESOZY 20:2

Abei hiehâhpa cha chakeibarôhneipa a rôhpa hawhta châ ta, Abei hie a pahâhpa chyhsa cha a hro châta chi â chhih.

BIESOZY 29:2

Mosiapazy ta ryu ama rei nahta, Zawpi a ly ei ta; Moleipazy ta ryu ama rei nahta, Zawpi amâ hrô tyh.

ISAI 14:5

Abeipa ta moleipazy sômasi cha thlie ta, Ryureituhpazy ryureina chôchahrei a thlie haw.

ISAI 14:6

Pathi iapa ta a chalih beih leipa ta phopizy tu ta, Taolana chhâ thai khao leipa ta ryureih ta, Râhzy chô liata hiehâhpa ta ryu a reihpa Chôchahrei cha a thlie haw.

HÔSIA 13:8

Chavyh a taw ama chhupa hawh ta A zawhnao aw ei na ta, Ama châh-ao alâna taihta Ei hriechhei khai aw ei; Cha liata âmo cha, Chakeibarôhneipa hawhta nie aw ei na ta; Sahrâhpa hawhta Ei hriechheih khai aw ei.

HÔSIA 5:11

Epharai cha hmo puapa tao awpa Khâchâ â chhuah hapa vâta, Tlybaipa ta y ta, Reikheituhpa hnei khao vei.

ZEPHANIA 3:3

A chhôh liata beimachâzy cha, Chakeibarôhneipa a rôh ngâpazy châ ei ta; A ryureituhpazy chhao, Zâ changie zohpa ama châ; My ta nie awpa dâhdei chhao, Pahlôh khao tyh veih ei.

MATHAI 2:16

Herawda cha chyhsa sopazy ta ama dôpa a pahno nahta, a hiehâh ngaita ta, chyhsa tuah ta, chyhsa sopazy tawhta a daihti a pahnopa hawhta, Bethlehe khih nata a chheipâh zydua liata chapaw hawti kô no tawhta a ry lâ zydua cha thie khai awpa ta biepie ta.

1 PITY 5:8

Palôh pasohpa ta y u la, a hrohrua teh u. Nama khakhaipa ahripa cha chakeibarôhneipa a rôhpa hawhta a rôh ta, a nie thei awpa tluapa ta â khie tyh.