BIESOZY 28:13 - Mara Bible RV (BSI)

¹³ A moleinazy a phihtuhpa cha vânoh to leipa aw ta, A moleinazy palâhâh ta a siesaipa deikua cha zawngiahna a hmô aw.

BIESOZY 28:13 ပူးပေါင်းရင်းမြစ်များ

ÂTHAONA 4:9

Chatawhcha Abeipa ta Kainâ hnohta, “Na unawhpa Abela kha zaw?” tah ta. Kainâ ta, “Pahno va na. Ei unawhpa vaituhpa ma ei châ?” tah ta.

2 SAMUELA 12:13

Dâvi ta Nâthâ hnohta, “Abeipa chô liata hmo ei parao haw,” tah ta. Nâthâ ta Dâvi hnohta, “Abeipa chhao ta na moleina a pahlei haw, thi aw va chi.

2 SAMUELA 14:32

Absalaw ta Zôabâ cha a chhy ta, a hnohta, “Pachâ teh, abei lâ cha tuahpa ta, a hnohta, ‘Khâpa­ vâta ma Kesu tawhta ei vy ngâ kawna tly? Kha liana kha vaw y thlâh ha aw sah la ei châta a pha via awpa tlai,’ tahpa ta kei chho awpa ta bie cha vaw ta na ta. Chavâta abei hmia cha tahmâ na pahmôsa teh. Paraona a hneipa ei châ khiahta cha, na thie thlâh ha mawh sy,” tah ta.

2 ABEIZY 20:15

Isai ta, “Na o liata khâpa ama hmô?” tah ta. Hezekia ta a chhy ta, “Ei o liata a ypa zydua ama hmô khai. Ei hmo sopakhyna ozy liata a ypa âmo ei pahmô leipa ei y vei,” tah ta.

2 THÂTIHZYRONA 6:26

“Na phopi Izarei sawzy na chô liata ama moleina vâta, avâ khaw chi ta, avâ rai pasuasa leipa ta ama rie na pathei tita, he su lâ a heihpa ta thlahchhâ ei sala, na moh a châhkheipa ta, ama moleina amâ heihsai khiahta cha,

EZRÂ 10:11

Chavâta tahmâ Abeipa, châ pathlatuhpazy Khazohpa liata nama moleinazy palâhâhpa ta reihpha cheih u la, a khopa tao u la, he râh liata a pahrâpa phopizy nata chihropa lapinô ta nama hneipazy tawhta a panano teh u,” tah ta.

EZRÂ 10:2

Elâmi pathla Zehie sawchapawpa Sekaniah ta Ezrâ hnohta, “Eima Kha­zohpa châta ngâ a chhih khao leipa pi ta, he râh liata chihropa chanôzy lapinô ta vaw hnei pi ta, cha hawhta a châpa chhao ta, Izarei châta hnabeiseihna a y chy.

NEHEMIAH 9:2

Izarei chipathlazy cha chihropazy tawhta a panano ei ta, a duah ei ta, âmo moleinazy nata ama pathlatuhpazy paraonazy palâhâhpa ta reihpha cheih ei ta.

ZAWBÂ 31:33

Mohropazy taozie hawhta ei hmoparaopazy phihpa ta, Ei moleinazy ei palôh liata ei nyu khiahta cha,

ZAWBÂ 33:27

Chyhsapa cha chyhsazy hmiakô liata a phuah ta, ‘Hmoparaopa ta biedopa pako na ta, Châhrasala viarithôpa châ va na.

ZAWBÂ 34:31

“Chyhsa ta Khazohpa hnohta, ‘Hriena hmô ha na ta, Hmoparao khao aw va na;

HLAZY 51:10

Hy Khazohpa, palôh pathaihpa kei liata paysa la, Pachâna dopa ei chhôh liata pathieh heih mah y.

BIESOZY 10:12

Ahaona ta ahryuna papua ta, Kyhpachâna deikua cha paraona zydua a khu tyh.

BIESOZY 17:9

Kyhpachâna a tluapa cha, Paraona a khupa châ ta; Paraona a reih chanei ngâ thlâh hapa deikua cha, Viasazy a pachhaih tyh.

ISAI 55:7

Moleipa ta a hrozie siesai sala, Sialeipa ta a pachânazy pathleih sala, Abeipa lâ kua heih mawh sy, Abeipa ta a vaw ngiachhie aw; Eima Khazohpa lâ kua heih mawh sy, Khazohpa ta tlokhuh â ngiahthai aw.

ZEREMIAH 2:35

‘Thaileina hnei va na, Chavâta Abeipa hiehâhna cha kei tawhta a kua haw,’ Na tah thlâh ha chy. Pachâ teh, ‘Molei va na,’ na tahpa vâta, Pachiana liata ei cha tlôkhei aw.

DÂNIAH 4:27

Chavâta Hy abei y, pachâna ei cha piepa he a py tlâhpa ta rao mah y: na moleinazy siesaipa ta siana hrokhei la, na paraonazy siesaipa ta sipasapazy chô liata zawngiahna palâsa mah y. Cha hawhta na tao khiahta cha byhnâ na to heih aw,” tah ta.

THEIHTHAINA 5:5

“Chazy hry liata miakha liata chhao thailei a châpa chyhsa cha, a moleina phuah aw ta,

ZAWNA 3:10

Khazohpa ta ama hmotaopa cha hmô ta, ama moleina lâpi amâ heihsaipa a hmô nahta, ama chô liata tao awpa ta a reipa chhiena cha patlôsa khao lei awpa ta a palôh panano ta, tao khao vei.

HMOTAOPAZY 26:20

A hmiatua ta Dâmaskâ mo hnohta phuah na ta, cha khai tawhta Zerusale mo nata Zudia râh to liata chyhsazy hnohta nata Zenitaizy hnoh chhao ta ei phuah lymâ. Ro moh phaoh tlâh châpa ta hmo taopa ta ro ei sala, Khazohpa lâ a heih awpa ta ei chho lymâ ei.

RYUREITUHPAZY 10:15

Izarei sawzy ta Abeipa hnohta, “Eima vaw molei ha tlai na. Pha na tahzie hawhta eima chô liata tao mah y. Khâpa rai châ sala, tanoh deikua cha rie miah pachha mah y,” tah ei ta.

1 SAMUELA 15:13

Samuela cha Sawla kô kei tlô ta, Sawla ta a hnohta, “Abeipa ta byhnâ cha pie mawh sy, Abeipa biepiepa cha ei tao haw,” tah ta.

1 SAMUELA 15:24

Sawla ta Samuela hnohta, “Ei vaw molei haw. Zawpi chi na ta, ama ao ei nathliepa vâta, Abeipa biepiepa nata nâma biezy ei vaw parao haw.

1 SAMUELA 15:30

Sawla ta, “Ei vaw molei ha tlai na. Chatahrasala ei châ haw na, ei chiheih machâzy nata Izarei hmiakô liana heta tahmâ na palyupalih la, Abeipa na Khazohpa hmiakô liata ei bôh thei nawpa ta, rie na kuakhei mah y,” tah ta.