BIESOZY 27:20 - Mara Bible RV (BSI)

²⁰ Athihkhih nata Chhokhih zy ta â daih tahpa ama hnei leipa hawhta, Chyhsapa mo ta â dai tahna rai hnei vei.

BIESOZY 27:20 ပူးပေါင်းရင်းမြစ်များ

ZAWBÂ 26:6

A hmia liata la Athihkhih thluahruapa ta y ta, Chhokhih chhao sasaihpa ta a y.

BIESOZY 15:11

Athihkhih nata Chhokhih hmahta Abeipa hmiakô liata â lâ khai khiahta cha, Chyhsa sawzy palôh chhochhi cha khatlu ta ma a hmiakô liata â lâ aw tly!

BIESOZY 23:5

Sôh cha na hmôpa nahta thlai a pai tyh; A mathlaw kaw thao ta, Pahmôh hawhta avâ lâ â zaw syulyu ha tyh.

BIESOZY 27:19

Ti liata hmia tyhpa â lapa hawhta, Chyhsapa palôh cha chyhsapa châna a palâsa tyh.

BIECHHOTUHPA 1:8

Hmo zydua riethei thachhâ chhihpa châ ei ta, Chyhsa ta rei tiah awpa chhao châ vei. Mokhaoh ta a hmo hmôpa liata a lôhrâ tlô leipa ta, Nakao ta a hmo theipa liata a rih bie vei.

BIECHHOTUHPA 4:8

Chyhsa matlupa pakha y ta, sawchapaw tlyma, unawh tlyma hnei leipa ta, ano dei ta a o liata pahrâ ta. Châhrasala a hriapasana chhâ thai khao leipa ta, hneirôna liata a mo lôhrâtlô beih leipa ta, “Ahy châta ma he tlupo ta hriapasa na ta, hro pahâh leina taihta ei hria tly?” tahpa ta anosasyh ta a hiahri beih hra vei. Cha chhao cha hraoleipa deita châ ta, thapawh a chhih leipa raihria a châ.

BIECHHOTUHPA 6:7

Chyhsapa hriapasana zydua cha a aoh châta châ ta, châhrasala a aoh lôhrâ tlô beih vei.

ISAI 5:14

Chavâta Athihkhih ta a laopalâna pakawhpa ta, A pakah kawhna zie thlie thei lei awpa ta a pakah a â. Zerusale beimachâzy nata zawpizy Athihkhih lâ zu aw ei ta, Sahma sâtlâh paziahpa ta, Khihpi liata a ly kaw tyhpazy chhao, Athihkhih lâ ama zu aw.

ZEREMIAH 22:17

Châhrasala nâ cha athôhna doleipa châ deita ta Mokhaoh nata palôh hnei chi ta; Thaileina a hnei leipa thisaih palo ta, Tlybaina nata thachahra hmâna châ deita ta Mokhaoh nata palôh na hnei.”

HABAKU 2:5

Kresawhti cha dôveituhpa châ ta, Akhotlâh kaw ta, A pahâ beih leipa a châ. Athihkhih tlu ta a karâ hneina kawh ta, Thina hawhta â daih a tah beih leipa a châ. Ano lâta râh zydua awpakhy ta, Ano lâta phopi zydua a pahmaoh ei.”

HÂKAI 1:9

“Kôvei pha awpa hnabeiseih ei chi ta, moh teh u, a chyhta dei nama hria. O lâ phaoh ei chi ta, châhrasala ei hmô pathlah khai haw. Khâpa vâta ma a châ? Pheisaihzy Abeipa ta a tah. Ei o vâta a châ. Nâmo nama o chyu nama sa hôlô nota, keima o deikua cha araopa ta khâ a y.

1 ZAWHÂNA 2:16

Khizaw liata hmo a ypa zydua, sapa aohraohna, mokhaoh aohraohna nata hro chhôh hneirôna a palaikheina zy he Paw tawhta a puapa châ leipa ta, khizaw tawhta a puapa a châ.