BIESOZY 27:15 - Mara Bible RV (BSI)

¹⁵ A hryu a pahâh kawpa lapinô cha, Avâ neih nota avâ di a tla ngâ thlâhpa nata miakha a châ.

BIESOZY 27:15 ပူးပေါင်းရင်းမြစ်များ

ZAWBÂ 14:19

Tizy ta alôzy patlô ta, Tily chahrapazy ta alei a siekhei; Cha hawhna chata chyhsapa hnabeiseihna chhao na pahlei tyh.

BIESOZY 19:13

Sawchapaw hrupa cha, A paw châta chhiena châ ta; Lapinô paphôh thaipa chhao, Ti di a thlaoh ngâ thlâh hapa hawhta a châ.

BIESOZY 21:19

Chanô paphôhthaipa nata pathichhiepa pahrâ lâhpa hlâta la, Râhchawhpa liata pahrâpa a pha via.

BIESOZY 21:9

A hryu nawpa sai a tlua thlâh hapa lapinô nata o laipa liata y khohpa hlâta la, Vâphuh chaki liata ypa a pha via.

BIESOZY 25:24

A hryu nawpa sai a tlua thlâh hapa lapinô nata o laipa liata y khohpa hlâta la, Vâphuh chaki liata ypa a pha via.

BIESOZY 27:16

Cha hawhpa lapinô pakhâ a chhuahpa cha, Thlih pakhâpa nata miakha châ ta; Ku chachâh lâta sathaw patupa nata miakha a châ.