BIESOZY 25:6 - Mara Bible RV (BSI)

⁶ Abei hmiakô liata nâmasasyh ta a chhaodaolaoh leipa la, Chyhsa rônahpazy su liata a duah khah y.

BIESOZY 25:6 ပူးပေါင်းရင်းမြစ်များ

HLAZY 131:1

Hy Abeipa, ei palôh lai leipa ta, Ei mo a sâh vei; Hmo rônahpazy hnei nawpa sai pachâ leipa na ta, Hmo khochhihpazy hnei nawpa sai pachâ va na.

PUASAINA 3:11

Mawsi ta Khazohpa hnohta, “Phiraoh lâ zu ta, Izarei sawzy Izi râh tawhta a chhi papua awpa ta, kei he ahy ma ei châ tly?” tah ta.

BIESOZY 16:19

Apalaipazy hry liata hraona sôh a raipa hlâta cha, Sipasapazy hry liata areisina palôh phaopa a pha via.

BIESOZY 25:27

Kheihti nie hluh tupa pha leipa ta, Rônahna tluapa chhao rônah hlei vei.

BIESOZY 25:5

Abei mohmô tawhta moleipazy la ha la, A beidyuchhai cha siana ta paduapa a châ aw.

BIESOZY 25:7

Nôpawpazy mohmô ta â hnai lâ patyusapa hlâta, “He lâ a khy teh,” ama cha tahpa a pha via.

BIESOZY 27:2

Nâma pakah ta a reithai leipa la, Mohropa ta tlao cha reithai sala; Nâma hmao ta châ leipa sala, Khichhaipa hmao ta tlao cha reithai mawh sy.

LUKA 14:10

Hruapa na châ tita, vawh la atyuna a hnai chaipa liata a tyuh mah y. Chatanachata châ hruatuhpa â vy tita, na hnohta, ‘Viasa, â sâh viapa lâ a pasie teh,’ cha tah aw ta, pati tlâhkhai na dôhlâhpa zydua mohmô ta palyupalihpa ta na y aw.

LUKA 14:8

“Kialao nie awpa ta chyhsa ta a cha hrua tita, chyhsa peimawhpazy atyuna liata a tyuh khah y. Nâma hlâta chyhsa peimawh viapa a hruapa y thei aw ta,

1 SAMUELA 15:17

Samuela ta, “Nâma pachâ ta cha, chyhsa chyhpata hawhta a pachâ hra la, Izarei chizy hyutuhpa châ va chi mâ? Abeipa ta Izarei chô liata bei châ awpa ta sathaw a cha thu.