BIESOZY 25:28 - Mara Bible RV (BSI)

²⁸ Anosasyh â pahnie leipa chyhsa cha, Khihpi chopa thokhy a hnei leipa hawhta a châ.

BIESOZY 25:28 ပူးပေါင်းရင်းမြစ်များ

2 THÂTIHZYRONA 32:5

Hezekia cha a tha a patlô ta. Thokhy a cho hapa zydua taopathi ta, thokhy chô liata o sâhpazy padua ta. Khôtho lâ tawhta thokhy hropa ta patho thlu ta. Dâvi khihpi thokhy chhao pasiepakaopa ta pa-i ta. Chaihraizy nata vyhphaozy hluhpi tao ta.

NEHEMIAH 1:3

Âmo ta ei hnohta, “Seichâna tawhta a vaw kuapa, Zudâh râh liata ahrohpa ta a ypazy cha, nôpo ngaitapa nata noza hmiachhiepa ta y ei ta, Zerusale thokhy cho khai ha ta, a chhikaozy mei ta a kâ khai haw,” tahpa ta na chho ei ta.

BIESOZY 16:32

Chyhsa palôh pasipa cha, Thatlôpa hlâta pha via ta; Ano palôh chô liata bie a hnei theipa chhao, Khihpi a latuhpa hlâta a pha via.

BIESOZY 19:18

Na sawchapawpa cha chhorei teh, Hnabeiseihna a y lah y; A leidia thlâh ha awpa ta pachâ khah y.

BIESOZY 19:19

Pathi chhie ngaitapa chyhsa cha hriena â tyh aw, Na pachhapa chhao ta pachha chanei ngâ thlâh ha awpa a byuh aw.

BIESOZY 22:24

Hiehâh naopa chyhsa a viasa leipa la, Pathichhiepa chyhsa chhao a pakyh khah y.

1 SAMUELA 20:30

Sawla cha Zawnathâ chô liata a pathi thata ia ta, a hnohta, “Nâ, chanô chochhiepa nata chhorupa sawchapawpa, nâma maophyuh nawpa nata na nô thluahruana pamaophyuhsa awpa ta, Zese sawchapawpa he nâ tlyhpa a châ tahpa ei pahno leipa ma a châ?

1 SAMUELA 25:17

Chavâta he hmo he tahmâ pahno la, khâpa na tao aw, pakhâta ta pachâ mah y. Eima zibeipa chô liata nata a o liata a ypa zydua chô liata chhiena a vaw tlô ha bâ hih. Eima zibeipa hra he, chyhsa chhiepa, ahy hmahta bie amâ chho thei leipa chyhsa châ tlôh ta,” tah ta.