BIESOZY 25:25 - Mara Bible RV (BSI)

²⁵ Râh hlapi tawhta thâtih phapa cha, Dâhphipa châta ti chakuapa hawhta a châ.

BIESOZY 25:25 ပူးပေါင်းရင်းမြစ်များ

ÂTHAONA 45:27

Châhrasala Zawsi ta ama hnohta bie a reipa zydua chho ei ta, a kia awpa talailihzy Zawsi ta a paphaopa a hmô nahta, ama paw Zakaw cha palôh thadâhpa ta y ha ta.

2 SAMUELA 23:15

Dâvi cha a dâhphi kaw ta, “Aw, Bethlehe liata tikhaoh ti, thokhy chhikao kiapâh liatapa kha doh awpa ta nâ piepa ama y mawh sala ei tah kaw dia!” tah ta.

HLAZY 63:1

Hy Khazohpa, nâ cha ei Khazohpa châ chi ta, Hmeiseihta ta ei cha tlua; Ti y leina râh raohpa nata riethei thachhâna râh liata, Nâma vâpa ta ei hro dâhphi ta, Nâma vâpa ta ei sapa a panao.

PUASAINA 17:6

Hôribâ liata lôpanô chô liata na hmiakô liata a vaw duah aw na ta, lôpanô cha tu aw chi ta, cha tawhta zawpi do awpa ti a vaw pua aw,” tah ta. Mawsi ta Izarei machâzy mohmô liata cha hawhna chata tao ta.

BIESOZY 15:30

Mokhaoh khaihna ta palôh palysa ta, Thâtih pha ta ru a pathawh tyh.

BIESOZY 25:26

Chyhsa siapa moleipa hmiakô liata a paopa cha, Vahtie panôpa nata tihnawh puapa hawhta a châ.

ISAI 52:7

Thlalôhna bie phuahpa ta, Lôtlâhna bie vaw tlôkhei ta, Zaio pachhana phuahpa ta, Zaio hnohta, “Na Khazohpa ta ryu a reih,” a tahtuhpa, Tlâhzy liata thâtihpha a vaw tlôkheituhpa phei cha, Â ngia ngaita kaw dia!

ISAI 55:1

“Hy nâmo, dâhphipa zydua saih u, A vy u la, ti yna lâ a vy teh u. Tâkâ a hnei leipazy chhao a vy u la, Chalei u la, nie teh u! A vy u la, kresawhti nata sâhpiti zy cha, Tâkâ byuh leipa ta chalei u la, A mâ leipa ta chalei teh u.

ZEREMIAH 18:14

Lebanaw dâhaw cha lôkâhpa tlâhzy tawhta a lei beih ma? Lâ hlapi tawhta ti chakuapa a zâ lohpa a kua beih ma?

NÂHU 1:15

“Moh teh u, tlâhpizy liata thâtihpha vaw tlôkhei ta, Adyhna bie a vaw phuahtuhpa pheizy huh! Hy Zudâh, na kyhchhizy tao lymâ la, Na bietaizy patlô mah y; Moleipa cha tlokhuh chhawh pathlah hapa châ ta, Cha chapia heih beih khao aw vei.”

ZAWHÂNA 7:37

Kyhchhi chhâna noh, noh rônahpa liata, Zisu cha a duah ta, ao paro ngaitapa ta awh ta, “Ahy rai a dâh a phi khiahta cha, kei lâ a vy sala doh mawh sy.

RAWMA 10:15

Tuapa ama châ vei khiahta cha, kheihta bie ama chho thei aw? “Thatihpha a vaw tlôkheituhpazy phei cha â ngia kaw dia!” tahpa ta ropa a châ.

1 TIMAWTHY 1:15

Krista Zisu cha moleipazy pachha awpa ta khizaw lâta â zu tahpa he, bie ngâchhihpa nata a pyh tlâh ngaitapa a châ. Kei he moleipazy hry liata molei chaipa ei châ hih.

ZAWSUA 22:33

Cha biezy chata Izarei sawzy cha palysa kaw ta. Chatanachata Izarei sawzy cha Khazohpa reithai ei ta, Rubena pathlazy nata Kâdâ pathlazy a dyuh ta, ama pahrâna râh parao awpa kyh reih khao veih ei.

BIEPHUAH 21:6

Chatawhcha ei hnohta, “A ngoh haw! Kei he Alphâ nata Ômekâ châ na ta, âthaona nata achhâna ei châ. Dâhphipa hnohta hrona tihnawh tawhta ti a saipa ta ei pie aw.

BIEPHUAH 22:17

Thlahpa nata Myuhthieh ta, “A vy mah y,” tah ei ta. A theipa maihta, “A vy mah y,” tah mawh ei sy. Dâhphipa maih a vy sala, a khohpa maihta hrona ti he a saipa ta doh mawh sy.