BIESOZY 24:9 - Mara Bible RV (BSI)

⁹ Ahrupa ryhraona cha moleina châ ta, Chyhsa mohnao a hmâhpa cha, Chyhsapa châta pasichhihpa a châ.

BIESOZY 24:9 ပူးပေါင်းရင်းမြစ်များ

ÂTHAONA 6:5

Alei chô liata chyhsapa cha thata vaw molei ta, a palôh phaozie chhao, khatino rai ta moleina lâ a heihpa a châzie Abeipa ta hmô ta.

ÂTHAONA 8:21

Abeipa ta ropahâhpa cha a thei nahta, Abeipa ta a palôh ta, “Alei he chyhsapa vâta chhiesa heih khao aw va na, chyhsapa palôrupa phaozie cha a hawti no tawhta moleipa châ tlôh ta. Tahmâ ta ei hriepa hawhna heta, hmohrohneipa to hrie heih khao aw va na.

HLAZY 119:113

Lôh no a phaohpa chyhsa cha a hao na ta, Kei deikua cha na ryhpa ei pasô.

BIESOZY 21:24

Akhotlâhpa nata apatahsapa moh cha “Mohnaotuh” châ ta, Apalaina nata atahtheina ta hmo a tao tyhpa a châ.

BIESOZY 22:10

Chyhsa a mohnaopa cha papua u la, Ahryuna nata atuna zy â chalih aw.

BIESOZY 23:7

A hryuh awpa sai pachâ ta, “Nie la, doh mah y,” cha tah taraw ta, A palôh hmeiseihpa liata deikua cha châ ly hlei vei.

BIESOZY 24:8

Hmo pha leipa tao awpa ta ryh a raopa cha, Paraopakeituhpa ama tah aw.

BIESOZY 29:8

Mohnaotuhpazy ta khihpi pakâ ei ta, Asopazy deikua cha hiehâhna ama padia tyh.

BIESOZY 9:7

Chyhsa a khotlâhpazy a chhoreipa cha, Ano hmâchhâh taochhiena a tyh ta; Chyhsa moleipa a rapa chhao, Ano hmâchhâh hmah a phaoh tyh.

ISAI 55:7

Moleipa ta a hrozie siesai sala, Sialeipa ta a pachânazy pathleih sala, Abeipa lâ kua heih mawh sy, Abeipa ta a vaw ngiachhie aw; Eima Khazohpa lâ kua heih mawh sy, Khazohpa ta tlokhuh â ngiahthai aw.

ZEREMIAH 4:14

Hy Zerusale, pachhapa ta na y thei nawpa ta, Hmo pha leipa tawhta na palôh pasi ha mah y. Khachâ taih ma pachâna moleipa nâ vao aw?

MATHAI 15:19

Moleina pachâna, lianycheina, apheina, apatlana, paruna, haipa bie reipa nata reipachhiena zy he palôh tawhta a kaw puapa a châ.

MATHAI 5:28

Châhrasala ei cha chho ei, ahy rai aohraohpa ta chanô a mohpa cha, a palôh ta chanô liata â phei haw.

MATHAI 9:4

Zisu ta ama pachânazy cha pahnopa ta, “Khazia nama palôh liata hmo moleipa nama pachâ?

HMOTAOPAZY 8:22

Chavâta na moleina ro la, na palôh phaozie a châ ngiahthai thei nawpa ta, Abeipa lâ thlahchhâ mah y.

2 KAWRINI 10:5

Aeichhiana nata pachâna sâhpa hmâpa ta Khazohpa pahnona pakhâ achhuahnazy parao pi ta, pachâna to rai Krista reingiahna lâta eimâ chhi tyh.