BIESOZY 24:19 - Mara Bible RV (BSI)

¹⁹ Hmo pha leipa a taotuhpazy vâta na pachâ a parôh leipa la, Moleipazy uahva hra khah y.

BIESOZY 24:19 ပူးပေါင်းရင်းမြစ်များ

HLAZY 1:1

Hmoparaopazy ryhraona a chhih beih leipa, Moleipazy lâpi liata a duah beih leipa, Chyhsa a mohnao thaipazy dyuchhai liata a tyuh beih leipa, Cha hawhpa chyhsa cha a nohlao na.

HLAZY 119:115

Nâmo, moleina hmo a taopazy saih u, Ei Khazohpa biepiepazy ei zyh thei nawpa ta, Na siesai syulyu ha teh u.

HLAZY 37:1

Hmoparaopazy vâta na pachâ chhie leipa sala, Hmo doleipa a taotuhpazy uahva khah y!

HLAZY 73:3

Moleipazy vâphana ei hmô nahta, Apalaipazy ei uahva kaw tyh ei.

BIESOZY 13:20

Chyhsa sopa a pakyhpa cha ano chhao soh aw ta, Ahrupazy viasa deikua cha pasa a tao aw.

BIESOZY 23:17

Na palôh ta moleipazy uahva leipa sala, Noh y ta Abeipa chipa ta tlao y mah y.

BIESOZY 24:1

Chyhsa moleipazy uahva leipa la, Ama hry liata a hlao awpa chhao tlaichhai khah y.

BIESOZY 24:18

Chataleipatala Abeipa ta hmô aw ta a ly leipa aw ta, A chô liata a pathiiana a lapa pathlei aw na.

MALUHREINA 16:26

Zawpi hnohta, “He chyhsa moleipazy poh o tawhna heta pua teh u. Ama hneipa chhao khâpa hmah hria khuh vy. Chataleipatala ama moleina zydua vâta pahleipadiapa nama châ pathlei aw,” tah ta.

2 KAWRINI 6:17

“Chavâta ama hry tawhta pua u la, Â nano ta y teh u, Abeipa ta a tah. Hmo pathaih leipa hria khuh vy, Chatanachata ei châ ly aw ei;

EPHESI 5:11

Zohna hmotaopa a pathei beih leipazy liata a hlao leipa u la, zohna hmotaopazy cha tlao palâhâh teh u.

BIEPHUAH 18:4

Chatawhcha avâ tawhta ao hropa thei na ta, ao chata, “Hy ei phopi, Ano tawhta vaw pua teh u; Chataleipatala a moleinazy liata a hlao pathlei aw ei chi ta, A potlana liata namâ hlao pathlei aw na.