BIESOZY 24:14 - Mara Bible RV (BSI)

¹⁴ Sona cha na hro châta a châ tahpa pahno la, Na hmô khiahta cha hmialâ daihti hnei chi ta, Na hnabeiseihna lei aw vei.

BIESOZY 24:14 ပူးပေါင်းရင်းမြစ်များ

HLAZY 119:103

Na biezy cha ei pakah châta a thlôh kaw dia! Kheihti hlâta ei pakah liata a thlôh via.

HLAZY 119:111

Na bieraopazy cha kei châta ei chhâzaw ryuto châ ta, Ei palôh alyna a châ.

BIESOZY 16:24

Bie phapa cha kheihthlawh hawh châ ta, Hro châta thlôh ta, ru châta hnatlâna a châ.

BIESOZY 2:10

Sona cha na palôh chhôh liata a ngia aw ta, Pahnona cha na hro châta kho â chhih kaw aw.

BIESOZY 22:18

Na chhôh liata a vao awpa châta pha ta, Na hmao liata a y awpa châta a pha khai.

BIESOZY 23:18

Hmialâ daihti hnei aw chi ta, Na hnabeiseihna cha pahleipa châ aw vei.

ZEREMIAH 15:16

Na biezy hmôpa châ ta, Ei nie ha ei. Hy Abeipa, Pheisaihzy Khazohpa, Na moh a phaohpa ei châpa vâta, Na biezy cha ei châta alyna châ ta, Ei palôh thaphana a châ.

MATHAI 19:21

Zisu ta a hnohta, “Phapaki na khoh khiahta la, sie la, na hneipa zydua zuah la, dyhchhiepazy hnohta pie teh, chatanachata vârâh liata ryu na hnei aw. Cha khai tawhta a vy la, na zi mah y,” tah ta.

ZÂMIE 1:25

Khotalaina ryhpa pakipa cha moh ta, cha hawhta hroh ta, ryhpa cha thei ta, thlai a mypa châ leipa ta, zyh ta, ryhpa hawhta a taopa chyhsa cha, a hmotaopa liata thlaochhipa ta a y aw.