BIESOZY 23:31 - Mara Bible RV (BSI)

³¹ Kresawhti a saih nota moh leipa la, Nyu liata a rôh â ngia kawpa chhao moh hra leipa la, A loh zaolao ngâpa chhao moh hra khah y.

BIESOZY 23:31 ပူးပေါင်းရင်းမြစ်များ

2 SAMUELA 11:2

Noh kha cha zâlâ nohtla chy ta Dâvi cha a rakhô tawhta thyu ta, abei o vâphuh liata a hlaihlâ ta, vâphuh tawhta chanô pakha a ngai a si ngâpa za hmô ta, cha chanô cha a chhithai ngaitapa châ ta.

ZAWBÂ 33:1

“Hy Zawbâ y, tahmâ ei biereipazy he thei la, Ei bie zydua nathlie mah y.

HLAZY 119:37

Ei mo he hraoleipa hmozy mona tawhta paheisaisa la, Na lâpizy achhihna liata hrona na pie mah y.

BIESOZY 6:25

A chhithaina cha na palôh ta tlaichhai leipa sala, A mopadei ta a cha patu awpa a pasaih khah y.

HLAZY HLA 7:9

Na pakah cha kresawhti pahâh chaipa hawhta châ mawh sy. Ei pakah kresawhti cha, Ei lôhdupaw châta pahnia kawpa ta loh sala, A hmaozy nata a hâhzy chô liata loh zaolao mawh sy.

MÂKA 9:47

Na mo ta a cha pamoleisa khiahta cha, thaoh ha mah y. Mo no hneipa ta Kehenâ liata thypa châ awpa hlâta cha, mo kha hneipa ta Khazohpa khinarâh lâ a ngiapa na châta a pha via.

EPHESI 5:18

Kresawhti paripa ta y khah u, parina liata a sohsi leina y tlôh ta, Thlahpa ta biepa ta tlao y teh u.

1 ZAWHÂNA 2:16

Khizaw liata hmo a ypa zydua, sapa aohraohna, mokhaoh aohraohna nata hro chhôh hneirôna a palaikheina zy he Paw tawhta a puapa châ leipa ta, khizaw tawhta a puapa a châ.