BIESOZY 23:26 - Mara Bible RV (BSI)

²⁶ Ei sawchapawpa y, na palôh na pie la, Na mozy ta ei lâpizy moh mawh sy.

BIESOZY 23:26 ပူးပေါင်းရင်းမြစ်များ

HLAZY 1:2

 lyna cha Abeipa ryhpa liata châ ta, A ryhpa bie cha chhô nah zâ ta a pachâ tyh.

HLAZY 107:43

Chyhsa sopa maihta cha hmozy cha ngia ei sala, Abeipa kyhpachâna tleih beih leipa kyh pachâ tyh mawh ei sy.

HLAZY 119:2

A bieraopazy a zyhtuhpazy cha nohlao ei ta, Pathipalôh tlokhuh ta ano a tluapazy cha ama nohlao na.

HLAZY 119:24

Na bieraopazy cha ei lyna châ ta, Ryh nâ raokheituhpazy ama châ.

BIESOZY 3:1

Ei sawchapawpa y, ei pachuna my leipa la, Na palôh ta ei biepiepazy a vao thlâh ha mah y.

BIESOZY 4:23

Na palôh pakhâta ta vaih mah y, Hrona tihnawh vaw puana châ tlôh ta.

BIESOZY 4:4

Ei paw ta na pachu ta ei hnohta, “Na palôh ta ei biezy he khâchâ a vao sala, Ei biepiepazy he zyh la, hroh mah y.

HÔSIA 14:9

“Chyhsa sopa ta He hmozy he a novâh sala, Chyhsa novâhpa ta Pahno thai mawh sy! Abeipa lâpizy cha a do ta, Mosiapazy ta amâ chhih thei; Moleipazy deikua cha, Amâ chapia aw.”

LUKA 14:26

“Ahy rai ei hnohta a vy khohpa cha, a paw, a nô, a lapinô, a sawzy, a unawhzy, a sietanôzy nata ano hrona tlai chhao â hao vei khiahta cha, ei pachupa châ thei aw vei.

2 KAWRINI 8:5

Cha chhao cha eima pangiasa leipa hawhta ama tao. Abeipa liata âmosasyh a hlâ tua ei ta, cha khai tawhta, Khazohpa khozie hawhta keimo liata miah amâ ngiarih.

EPHESI 3:17

Chatanachata Krista cha ngiapâna vâta nama palôhzy liata pahrâ aw ta, a kyhpachâna liata thari thlapa nata abôna hneipa ta y thei aw ei chi ta,

RYHPACHANEINA 6:5

Abeipa nama Khazohpa cha nama pathipalôh tlokhuh ta, nama thlahpa tlokhuh ta, nama thatlôna tlokhuh ta kyh nama pachâ awpa a châ.

2 PITY 1:19

Hrohsona bie a i via pachaipa hnei pi ta, khih vaw deih ta deiva awhsi nama palôh liata a vaw pua hlâlei zohna liata meiôh a khaih chypa hawhta, cha hrohsona biezy cha nama pachâ khiahta cha, nama châta a pha aw.