BIESOZY 23:23 - Mara Bible RV (BSI)

²³ Biehmeiseihpa chalei la zuah khao leipa la, Sona nata pachuna nata pahnona zy chalei mah y.

BIESOZY 23:23 ပူးပေါင်းရင်းမြစ်များ

HLAZY 119:127

Chavâta na biepiepazy cha, Ngôh hlâta pasô via na ta, Ngôh suapa hlâta ei pasô via.

HLAZY 119:72

Ngôh nata tâkâ sâh hluhpi hlâta, Ei châta na pakah ryhpa bie pha via syulyu tlôh ta.

BIESOZY 10:1

He he Sawlawmaw biesozy a châ: Sawchapaw sopa ta a paw palysa ta, Sawchapaw hrupa deikua cha a nô pachârôhna a tlôkhei tyh.

BIESOZY 16:16

Ngôh hlâta sona hneipa pha via syulyu ta, Tâkâ vyuhpa ta novâhna tlao a tlyh awpa a châ.

BIESOZY 17:16

Ahrupa cha palôh a hnei leipa châ ta, Chavâta sona chalei nawpa ta a ku liata sôh sopa cha, Khâpa ma a phahnai aw?

BIESOZY 18:15

Palôh sopa cha pahnona hmô ta, Asopa nakhaoh chhao pahnona a tlua tyh.

BIESOZY 9:8

Akhotlâh kawpa chyhsa la ra hlei khah y, A châ hao pathlei aw na; Chyhsa sopa ra la, Kyh a cha pachâ aw.

ISAI 55:1

“Hy nâmo, dâhphipa zydua saih u, A vy u la, ti yna lâ a vy teh u. Tâkâ a hnei leipazy chhao a vy u la, Chalei u la, nie teh u! A vy u la, kresawhti nata sâhpiti zy cha, Tâkâ byuh leipa ta chalei u la, A mâ leipa ta chalei teh u.

MATHAI 13:44

“Vârâh khinarâh cha lyu liata ryubyh nyupa chyhsa pakha ta hmô ta, nyu heih ta, a ly ngaitapa ta sie ta, a hneina zydua zuah ta, cha lyu cha a chaleipa hawhta a châ.

MATHAI 13:46

Taikuh lôsôh ngaitapa miakha a hmô nahta, sie ta a hneipa zydua zuah ta a chaleipa hawhta a châ.

MATHAI 16:26

Chyhsa ta khizaw he a pôhpalôhpa ta hnei sala, a thlahpa a pahlei tlôh khiahta cha, a châta khâpa a phahnai aw? Cha leipa chhao ta, chyhsa ta a thlahpa vyuhpa ta khâpa a pie aw?

HMOTAOPAZY 20:23

Khihpi to liata patâhna nata rietheitaonazy ta eina hâ thlâh hapa kyh Thlahpa Pathaihpa ta eina chhopa deita ei pahno.

HEBRAI 11:26

Lymâ to awpa a saipa vâta, Krista vâta reipachhiena a tyhpa cha Izi râh ryuzy hlâta ryu sôh viapa ta a rao.

BIEPHUAH 12:11

Mietakutaw thisaih nata ama pahnokheina bie vâta ano cha ama pahnie haw. Ama hrona kyh chhao pachâ thei khao leipa ta thina taihta a dyuhpazy ama châ.

BIEPHUAH 3:18

Na hneirôh thei nawpa ta mei liata pathaisapa ngôh zy, na thluahrua maophyuh chhiepa â lâ lei nawpa ta poh diehpa a bu awpa zy, na hmô thei nawpa ta na mo liata hnia awpa mo pasana thohna zy kei tawhta chalei awpa ta ei cha chhosie.