BIESOZY 23:18 - Mara Bible RV (BSI)

¹⁸ Hmialâ daihti hnei aw chi ta, Na hnabeiseihna cha pahleipa châ aw vei.

BIESOZY 23:18 ပူးပေါင်းရင်းမြစ်များ

HLAZY 19:11

Chazy chata châ chakaotuhpa he zikyu nâ râ chi ta, Chazy a zyhpa cha lymâ rônahpa a dao aw.

HLAZY 37:37

Chyhsa phapakipa ngia la, Chyhsa dopa moh tua; A chhâ nawpa cha thlalôhna a châ.

HLAZY 58:11

Chatanachata chyhsapa ta, “Mosiapa châta lymâ y tlai ta, Khizaw ryureihtuh Khazohpa a y tlai na,” a tah awh.

HLAZY 9:18

Phahlapazy cha my ngâ thlâh hapa châ lei paw ei ta, Dyhchhiepazy hnabeiseihna chhao chhâzaw ta lei aw vei.

BIESOZY 24:14

Sona cha na hro châta a châ tahpa pahno la, Na hmô khiahta cha hmialâ daihti hnei chi ta, Na hnabeiseihna lei aw vei.

BIESOZY 24:20

Chyhsa chhiepa châta hmialâ daihti y leipa ta, Moleipa meiôh cha pachhaipa a châ aw.

ZEREMIAH 29:11

Nâmo châta achhuahna ei hneipa ei pahno thlâh haw. Nama chhie nawpa châ leipa ta, nama pha nawpa châta achhuahna hnei na ta, hmialâ daihti phapa nata hnabeiseihna cha pie awpa ei ta achhuahna ei hnei, Abeipa ta a tah.

LUKA 16:25

Châhrasala Abarahâ ta, ‘Ei saw y, nâ cha na hro chhôh ta hmo phapa to chi ta, Lâzarâh deikua cha hmo chhiepa a topa kha pahno châh chi. Châhrasala tahmâ ano cha he liata thlahpalôhpa ta y ta, nâ cha pasa na tao kha zaw.

PHILIPI 1:20

Maophyuhpa ta y leipa aw na ta, ei pôhpa liata Krista palyupalihpa ta a y tyhpa hawhta, thina ta tlyma, hrona ta tlyma, Krista cha ei pôhpa liata palyupalihpa ta a y aw tahpa cha, tahmâ chhao riahpha ngaitapa ta ei saduthliepa nata ei hnabeiseihpa a châ.

HEBRAI 10:35

Chavâta namâ ngiapâna alôhna, lymâ rônahpa a hneipa cha thy khuh vy.