BIESOZY 23:17 - Mara Bible RV (BSI)

¹⁷ Na palôh ta moleipazy uahva leipa sala, Noh y ta Abeipa chipa ta tlao y mah y.

BIESOZY 23:17 ပူးပေါင်းရင်းမြစ်များ

HLAZY 111:10

Abeipa china cha sona athaona châ ta, Abeipa a chituhpa zydua ta novâhna ama hnei. Abeipa cha tlyzaw ta reithaipa ta y mawh sy!

BIESOZY 15:16

Abeipa china chôta a chyhta hneipa cha, Sôh hluhpi hnei ta a tymâpa hlâta a pha via.

BIESOZY 24:1

Chyhsa moleipazy uahva leipa la, Ama hry liata a hlao awpa chhao tlaichhai khah y.

BIESOZY 24:19

Hmo pha leipa a taotuhpazy vâta na pachâ a parôh leipa la, Moleipazy uahva hra khah y.

BIESOZY 24:21

Ei sawchapawpa y, Abeipa chipa ta abei chhao chi la, Cha hawhta a y leipazy cha a pahlao khah y.

BIESOZY 28:14

Abeipa khâ a chipa chyhsa cha vânoh to aw ta, A palôh kuh khâ a pachhapa deikua cha chhiena lâ a tla aw.

BIESOZY 3:31

Thachahra a hmâhpa chyhsa cha uahva leipa la, A lâpi kheihawhpa hmahta a tlyh khah y.

BIECHHOTUHPA 5:6

Na pakah ta cha pamoleisa leipa sala, vâlyuhchâpa hmiakô liata, taopasipa a châ tah hra khah y. Khazia Khazohpa cha na bie vâta a hiehâhpa ta, na ku raihriazy a parao aw?

BIECHHOTUHPA 5:7

Mâsana a hluhna liata bie ruapa hluh ta, hraoleipa chhao a hluh tyh. Khazohpa deita na chi awpa a châ.

HMOTAOPAZY 9:31

Chatanachata Awnanopa sahlaozy cha Zudia râh, Kâlili râh nata Samâri râh zydua liata a i via rilipa ta, thlalôhpa ta y ei ta. Abeipa china liata nata Thlahpa Pathaihpa thlapalôhna liata hroh ei ta, ama pôh via lymâ.

2 KAWRINI 7:1

Kyhpachâ ngaitapa saih u, cha bietaizy cha eima hneipa vâta, pôhpa nata thlahpa a papuapaleipa zydua tawhta a pathai sih la, Khazohpa chipa ta pathaih pakipa ta y suh u.

1 PITY 1:17

Khokhei viapa hnei leipa ta, chyhsa to ama hmotaopa chyu hawhta pachiatuhpa cha Paw hawhta nama pado khiahta cha, khizaw liata nama y chhôh cha khitlyhpa hawhta y u la, Paw Khazohpa cha chiza muh vy.