BIESOZY 23:10 - Mara Bible RV (BSI)

¹⁰ Râhri lôbô hlôpazy pasie leipa la, Paw hnei leipazy lyu liata a ngia khah y.

BIESOZY 23:10 ပူးပေါင်းရင်းမြစ်များ

ZAWBÂ 22:9

Nôhmeizy ku ruapa ta pasiesa chi ta, Paw hnei leipa bâhzy na thlie.

ZAWBÂ 24:9

Paw hnei leipa a nô sâhpi tawhta chhu ei ta, Dyhchhiepa saw sôhkâ ta ama la tyh.

ZAWBÂ 6:27

Paw hnei leipazy hmo chhu awpa ta, Nuby a dao khoh thlâh ha ei chi ta, Sôh ta nama viasa a zuah khoh thlâh hapazy nama châ.

HLAZY 94:6

Nôhmei nata khichhai zy thie ei ta, Paw hnei leipazy ama nyh.

PUASAINA 22:22

Nôhmei nata hârazy ama rie nama pathei awpa châ vei.

BIESOZY 15:25

Apalaipa o cha Abeipa ta parao ta, Nôhmei râhri deikua cha a pa-i tyh.

BIESOZY 22:28

Châ pathlatuhpazy ta ama vaw bô hapa râhri lôbô hlôpa cha, Pasi cheita khah y.

ZEREMIAH 22:3

Abeipa ta hetana heta a tah: Adona nata siana tao u la, ama hmo ama hrao hapazy cha, tlybaituhpazy ku tawhta pachha teh u. Chihropa mapaihpazy, paw hnei leipazy nata nôhmeizy chô liata â doleipa ta hmo tao leipa u la, thachahra hmâ thlu hra leipa u la, he su liana heta thaileina a hnei leipa thisaih palo khuh vy.

ZEREMIAH 7:5

“Nama hroziezy nata nama hmotaopazy liata a taopathi u la, adona ta a zaokhi raihriepa ta,

ZEREMIAH 7:6

mapaihpa nata paw hnei leipa nata nôhmei zy tlybai leipa u la, he su liana heta thaileina a hnei leipa thisaih palo leipa ta, châ pamoleisa awpa khazoh hropazy nama pazi leipa khiahta cha,

ZEKARIA 7:10

Nôhmeizy, hârapazy, khichhaipa nata dyhchhiepazy tlybai leipa u la, nama palôh liata nama unawhpa chhiena awpa pachâ khuh vy,” tah ta.

MALAKHAI 3:5

“Pachia awpa ta châ vaw hnia aw ei na ta, dyuthaipazy, apheipazy, haipa ta bie â taihpazy, ama raihriatuhpazy hlao â dopa ta a pie leipazy, nôhmei nata hara a tlybaipazy, chihropa nama hry liata a ypazy chô liata adoleipa ta hmo a taopazy nata nâ chi leipazy châta, a chatliepa ta âmo a leihtuhpa ei châ aw,” Pheisaihzy Abeipa ta a tah.

RYHPACHANEINA 19:14

“Abeipa nama Khazohpa ta hnei awpa ta râh a cha piepa ei, ryu ta nama to awpa râh liata chyhsa hmiatuapazy ta ama vaw bôpa nama vaih râhri lô nama pasie awpa châ vei.

RYHPACHANEINA 27:17

“A vaih râhri a pasiepa cha chhiesapa ta y mawh sy,” tah aw ei ta, zawpi ta, “Amen” ama tah aw.

ZÂMIE 1:27

Khazohpa nata Paw mohmô liata zyhna pathaihpa nata papuapalei leipa cha, Hâra nata nôhmeizy ama riethei pasataona liata deichhypa nata khizaw puapa kia leipa ta ypa he a châ.