BIESOZY 22:6 - Mara Bible RV (BSI)

⁶ Hawtipa cha a sie nawpa lâpi pachu la, A pitloh tita chhao siesai aw vei.

BIESOZY 22:6 ပူးပေါင်းရင်းမြစ်များ

ÂTHAONA 18:19

Ano hnôhlâ ta a sawzy nata a chhôhkhazy ta Abeipa lâpi a chhihpa ta, siana nata adona tao awpa ta bie a pie thei nawpa ei ta, ano cha ei tlyhpa a châ. Chatanachata Abeipa ta Abarahâ hnohta bie â taihpa zydua a patlôsa aw,” tah ta.

EPHESI 6:4

Nâmo, pawzy saih u, nama sawzy ru pachhô leipa u la, Abeipa chhoreina nata pachuna liata tlao mohôh teh u.

RYHPACHANEINA 11:19

Nama sawzy pachu aw ei chi ta, nama o liata namâ tyu nota zy, lâpi liata nama sie nota zy, namâ zia nota nata nama thyu daihti zy liata nama reih tyh aw.

RYHPACHANEINA 4:9

“Chavâta a sohsi u la, nama hro pakhâta ta a vao muh vy. Chataleipatala nama mo ta hmo a hmôpazy kha my aw ei chi ta, nama hro chhôh zydua ta nama palôh tawhta a lei pathlei aw. Chazy cha nama sawzy nata nama samohzy pachu tyh muh vy.

RYHPACHANEINA 6:7

Nama sawzy phahnai khoh ngaitapa ta pachu aw ei chi ta, nama o liata namâ tyu nota zy, lâpi liata nama sie nota zy, namâ zia nota zy, nama thyu daihti zy liata nama reih tyh aw.

2 TIMAWTHY 3:15

Na hawti no tawhta na pahno chiehpa Biehrai pathaihpazy kha zyh lymâ mah y. Cha Biehrai pathaihpazy cha Krista Zisu ngiapâna vâta pachha châ thei nawpa ta, chyhsa sopa châ pachâsa theipa a châ.

RYUREITUHPAZY 13:12

Manôah ta, “Na biereipazy kha a vaw tlô tita, hawti hrozie awpa cha kheihta châ aw ta, khâpa rai ma a hria aw?” tah ta.

1 SAMUELA 1:28

Chavâta kei chhao ta hawtipa he Abeipa lâ ei hlâ lilaw haw. A hro chhôh zydua châta Abeipa lâ hlâ hapa a châ,” tah ta. Chatanachata hawtipa cha, cha liata Abeipa a chhypa ta y ha ta.

1 SAMUELA 2:26

Hawtipa Samuela cha laiseih lymâ ta, Khazohpa nata chyhsapa modypa ta y ta.