BIESOZY 22:18 - Mara Bible RV (BSI)

¹⁸ Na chhôh liata a vao awpa châta pha ta, Na hmao liata a y awpa châta a pha khai.

BIESOZY 22:18 ပူးပေါင်းရင်းမြစ်များ

HLAZY 119:103

Na biezy cha ei pakah châta a thlôh kaw dia! Kheihti hlâta ei pakah liata a thlôh via.

HLAZY 119:111

Na bieraopazy cha kei châta ei chhâzaw ryuto châ ta, Ei palôh alyna a châ.

HLAZY 119:13

Na pakah ta na phuahpa ryhpa bie zydua, Ei hmao ta ei phuah lymâ aw.

HLAZY 119:162

Hraona sôh hluhpi a hmôpa hawhta, Na bie liata ei ly ngaita.

HLAZY 119:171

Na bieraopazy eina pachupa vâ chi ta, Ei hmaozy reithaina ta a khô pathlah.

HLAZY 19:10

Chazy cha ngôh hlâta kho a chhih via ei ta, Ngôh suapa hlâta ama sôh via; Kheihti hlâta thlôh via ei ta, Kheihthlawh hlâta ama thlôh via.

BIESOZY 10:13

Novâhna a hneipa hmaozy liata sona hmôpa châ ta, Pahnona a phahlapa châta deikua cha a ky châta sôsi a y.

BIESOZY 10:21

Mosiapa hmao ta chyhsa hluhpi pasa ta, Ahrupa deikua cha pahnona a phahlapa ta a thi tyh.

BIESOZY 15:7

Asopazy hmao cha pahnona hiepatla ta, Ahrupazy palôh deikua cha cha hawhta châ vei.

BIESOZY 16:21

Palôh sopa cha hmo yzie a pahno thaipa tahpa châ aw ta, Reikah thlôhpa ta chyhsa a pahnie tyh.

BIESOZY 2:10

Sona cha na palôh chhôh liata a ngia aw ta, Pahnona cha na hro châta kho â chhih kaw aw.

BIESOZY 22:19

Abeipa na ngâ thei nawpa ta, Chazy cha tanoh cha pahnosa na ta, Nâ lia tlai ta ei cha pahnosa haw.

BIESOZY 25:11

A daihtita ta bie reipa cha, Tâkâ byh liata ngôh epuh hawhta a châ.

BIESOZY 3:17

A lâpizy cha lâpi khochhihpazy châ ta, A lâthlôh zydua cha thlalôhna lâthlôh a châ.

BIESOZY 4:20

Ei sawchapawpa y, ei biezy nathlie la, Ei biereipazy lâta na nah pachôh mah y.

BIESOZY 4:21

Na mohmô tawhta pua leipa ei sala, Na palôh liata khâchâ a vao ha mah y.

BIESOZY 8:6

Nathlie teh u, bie phapazy reih aw na ta, Ei hmao tawhta bie dopa a vaw pua aw.

ZEREMIAH 15:16

Na biezy hmôpa châ ta, Ei nie ha ei. Hy Abeipa, Pheisaihzy Khazohpa, Na moh a phaohpa ei châpa vâta, Na biezy cha ei châta alyna châ ta, Ei palôh thaphana a châ.

MALAKHAI 2:7

Theihthaipa hmao ta pahnona pabohsa ta, Pheisaihzy Abeipa lyuhchâpa a châpa vâta, Chyhsazy ta a pakah tawhta pachuna ama mokhâh tyh.

ZAWHÂNA 7:38

Ahy rai nâ ngiapâpa cha, Biehrai ta a reipa hawhta, ‘Ti hrohpa chavahzy a chhôh tawhta a vaw loh aw,’” tah ta.

HEBRAI 13:15

Chatanachata ano zawhzi ta reithaina atheihna cha Khazohpa hnohta khâ hlâ suh vy. Cha cha a moh achâhkheina hmaozy theilâpa a châ.