15 Hawtipa palôh liata hruna a bai ha ta, Sôsi ta chhoreina ta hruna cha lâhla lâ â chadai pai aw.
Ahy ma hmo pathaih leipa tawhta hmo pathaihpa a papua thei aw? Pakha hmah y veih ei.
Pachâ teh, paraona liata taopa châ na ta, Ei nô ta moleina liata a phaopa ei châ.
Sôsi a hmâh khoh leipa cha a sawchapawpa a haopa châ ta, A kyh a pachâpa deikua cha thlai a chhorei tyh.
Na sawchapawpa cha chhorei teh, Hnabeiseihna a y lah y; A leidia thlâh ha awpa ta pachâ khah y.
Hmah yna taihta tupa ta moleina pathai ta; Chheinazy ta palôh chhôh chaipazy chhao a pathai tyh.
Sôsi nata rana ta sona pie ta, Ano y ta paysapa hawti deikua cha, A nô châta nozana a tlôkhei tyh.
Na sawchapawpa cha chhorei la, Thlalôhpa ta cha paysa aw ta; Palôh lyna a cha pie aw.
Sapa ta a pihpa cha sapa châ ta, Thlahpa ta a pihpa cha thlahpa a châ.
Keimo chhao eikhano cha, reingiah leipazy hry liata eima vaw y hra. Eima sapa aohraohnazy papitlohsapa ta, sapa nata palôh khopazy vaw tao tyh pi ta, chyhsa hropazy hawhta hiehâhna saw ta a vaw pihpa eima châ.