BIESOZY 21:21 - Mara Bible RV (BSI)

²¹ Siana nata ngâchhihna a chadaipa cha, Hrona, siana nata zana a hmô aw.

BIESOZY 21:21 ပူးပေါင်းရင်းမြစ်များ

HLAZY 112:4

Chyhsa dopa châta cha, Zohna liata a y no chhao ta khaihna a vaw pua tyh; Abeipa cha ngiachhiena nata zawngiahna a hneipa châ ta, Khazohpa siapa a châ.

BIESOZY 10:16

Mosiapa hriapasana cha hrona tlôkhei ta, Moleipa athôhna deikua cha paraona a tlôkhei tyh.

BIESOZY 11:19

Siana liata â ipa ta a duahpa cha hrona to aw ta, Moleina hmo a chadaituhpa deikua cha a thi aw.

BIESOZY 15:9

Moleipa lâpi cha Abeipa châta pasichhihpa châ ta, Siana lâpi a chhituhpa deikua cha Abeipa ta kyh a pachâ.

BIESOZY 22:4

Areisina nata Abeipa china lymâzy cha, Hneirôna, zana nata hrona zy a châ.

BIESOZY 3:22

Na hro châta hrona châ aw ta, Na rao châta atobina a châ aw.

ISAI 51:1

“Nâmo, siana a chadaituhpazy saih u, Na nathlie u la; Nâmo, Abeipa a tluatuhpazy saih u, Na nathlie teh u. Ama cha khyna lôpanô lâ moh u la, Ama cha chaona alô thih lâ moh teh u.

HÔSIA 6:3

Abeipa pahnona chadai sih la, Ano cha pahno lymâ suh u; Khihdei awpa a siapa hawhta, Ano chhao â vaw luah tlai aw. Vâsua hawhta keimo lâ a vy aw ta, Châhvâ vâsua ta chhaohlei a padâpa hawhta â vy aw.”

MATHAI 5:6

“Siana khopa vâta nodi dâhphipazy ama nohlao na, ama aoh a vei awpa vâta.

RAWMA 14:19

Chavâta thlalôhna a tlôkhei awpa nata tha a patlô raihriena a châ awpa hmozy a chadai lymâ suh u.

1 KAWRINI 15:58

Chavâta unawh kho ngaitapazy saih u, â ipa ta a duah u la, papie thei lei awpa ta a pachyu teh u. Nama hriapasana cha Abeipa liata hraoleipa châ vei tahpa pahnopa ta, Abeipa raihria cha phahnai ngiah ngaitapa ta hria lymâ teh u.

PHILIPI 3:12

Chazy cha a hmô hapa hawhta a reih leipa na ta, paki hapa hawhta a rao va na. Krista Zisu ta eina patuna chhâpa patu hra awpa ta ei tei lymâ.

1 THYSALAWNIKA 5:21

ato pasiapa ta, a phapa maih a pyh u la,

1 TIMAWTHY 6:11

Nâ, Khazohpa chyhsa y, cha hmozy cha a râsai la, siana, Khazohpa pachâna, ngiapâna, kyhpachâna, daotheina nata nônaina zy a chadai lymâ mah y.

2 TIMAWTHY 2:22

Thyutlia aohraohnazy a râsai la, palôh pathaihpa ta Abeipa padotuhpazy hry liata a hlaopa ta, siana, ngiapâna, kyhpachâna nata thlalôhna zy a chadai lymâ mah y.

HEBRAI 12:14

Chyhsa zydua nata adyhna chadai u la, pathaihna chadai hra teh u. Pathaihna leipa ta ahy hmahta Abeipa hmô aw veih ei.

1 PITY 1:7

Chatanachata pasiapa ta a ypa namâ ngiapâna cha, mei ta pasiapa ngôh hlâta sôh viapa ngiapâna hmeiseihpa a châzie a lâ aw ta, Zisu Krista â vaw luah tita reithaina nata palyupalihna nata rônahna zy nama to aw.