BIESOZY 21:2 - Mara Bible RV (BSI)

² Chyhsa cha ano mokhaoh liata a lâpi to â do tah ta, Abeipa deikua cha palôh kho a pathliah tyh.

BIESOZY 21:2 ပူးပေါင်းရင်းမြစ်များ

ZAWBÂ 31:6

Pathliahna dopa ta na pathliah ei sala, Ei dona cha Khazohpa ta pahno mawh sy!

HLAZY 36:2

A paraona hmôpa châ leipa aw ta, Chavâta chyhsa ta nâ hao bao aw veih ei tahpa ta, Anosasyh ta â dôvei.

BIESOZY 12:15

Ahrupa cha ano mokhaoh liata a lâpi a do ta, Asopa deikua cha chhosina a nathlie tyh.

BIESOZY 16:2

Ano mo liata cha chyhsa ta a hrozie zydua a pathaihpa hawhta hmô ta, Abeipa deikua cha palôh kho a pathliah tyh.

BIESOZY 16:25

Chyhsapa pachâ ta lâpi dopa a lyupa y ta, A chhâna lâta deikua thina lâpi a châ tyh.

BIESOZY 17:3

Pathaisana beih cha tâkâ châta châ ta, Patina mei chhao ngôh châta a châ; Abeipa deikua cha palôh a pasia tyh.

BIESOZY 20:6

Mo hluhpi ta chyhsa phapa hawhta âmosasyh a reih ei ta, Chyhsa ngâchhihpa deikua ahy a hmô thei aw?

BIESOZY 24:12

“Pachâ teh, he hmo he pahno ma pi,” Na tah khiahta cha, Palôh khopathliahtuhpa ta pahnopa ta, Na hro a vaotuhpa ta pahno thlâh ha ta, Chyhsa to ama hmotaopa lymâ hawhta viari a thô aw ei.

BIESOZY 30:12

Âmo mokhaoh liata pathaih â tah kawpazy y ei ta, Châhrasala ama puana pathaipa châ hlei veih ei.

ZEREMIAH 17:10

“Kei, Abeipa he chyhsa to ama hrozie hawhta thôpa ta, Ama hmotaopa thei hawhta thô awpa ta, Palôh a mohtuhpa châ na ta, Pachâna a pasiatuhpa ei châ.”

DÂNIAH 5:27

TEKEL, khopathliahpa châ chi ta, tloh khao va chi.

LUKA 16:15

Zisu ta ama hnohta, “Chyhsa mohmô liata a do kawpa hawhta a lâpa deita nama châ. Khazohpa deikua cha nama palôh a pahno. Chyhsa hry liata palyupalihna cha Khazohpa mohmô ta pasichhihpa a châ.

KALATIA 6:3

Khâpa hmah châ tlôh leipa ta, chyhsa peimawhpa hawhta â pachâpa cha, anosasyh a dôveipa a châ.

ZÂMIE 1:22

Nâmosasyh ta a dôveipa ta, bie nathlietuhpa dei châ leipa ta, bie zyhtuhpa tlao châ muh vy.

BIEPHUAH 2:23

A sawzy tusao aw na ta, chatanachata kei cha pachâna nata palôh mohtuhpa ei châ tahpa Awnanopa zydua ta ama pahno aw. Nama hmotaopazy lymâ hawhta ei cha pie aw ei.

1 SAMUELA 16:7

Châhrasala Abeipa ta Samuela hnohta, “A hmisâ tlyma, a pôraoh tlyma moh kha, ano kha khoh va na. Abeipa ta la chyhsapa hmôzie hawhta hmô vei. Chyhsapa ta cha khôtho lâ alânazie moh tyh ta, Abeipa deikua cha palôh tlao a moh tyh,” tah ta.