BIESOZY 21:12 - Mara Bible RV (BSI)

¹² Khazoh Siapa ta moleipa o cha mohpathli ta, Moleipazy cha raona lâta a thy tyh ei.

BIESOZY 21:12 ပူးပေါင်းရင်းမြစ်များ

ÂTHAONA 19:29

Khazohpa ta bypi khihpizy a parao nota, Khazohpa ta Abarahâ cha a thei thlâh ha ta. Chatanachata Lawta pahrâna khihpizy a parao nota, Lawta cha a rao haipa hry tawhta â chhi papua haw.

ZAWBÂ 5:3

Ahrupa ta thari a thlapa hmô na ta, A pahrâna cha thlai chhie ei sapa.

ZAWBÂ 8:15

A o a hnieh ta, Châhrasala a o cha a duah thei leipa ta; A o cha a patu pâ ta, Châhrasala pachyu vei.

HLAZY 107:43

Chyhsa sopa maihta cha hmozy cha ngia ei sala, Abeipa kyhpachâna tleih beih leipa kyh pachâ tyh mawh ei sy.

HLAZY 52:5

Khazohpa ta tlyzaw ta cha parao aw ta, Na poh o tawhta châ daophipa ta cha hriechheih aw ta, Ahrohpa râh tawhta a cha phia pathlah aw. Selah

BIESOZY 13:6

Siana ta adopa ta a ypazy hrôbieh ta, Moleina deikua cha moleipa a papao tyh.

BIESOZY 14:11

Moleipa o cha paraopa châ aw ta, Adopa poh o deikua cha vânoh topa ta a y aw.

BIESOZY 14:32

Moleipa cha a hmo chhie taopa vâta pao ta, Mosiapa deikua cha thina liata hnabeiseihna a hnei.

BIESOZY 29:16

Moleipazy ama pôh nahta, Moleina chhao pôh ta; Châhrasala mosiapazy ta ama paopa ama hmô aw.

HÔSIA 14:9

“Chyhsa sopa ta He hmozy he a novâh sala, Chyhsa novâhpa ta Pahno thai mawh sy! Abeipa lâpizy cha a do ta, Mosiapazy ta amâ chhih thei; Moleipazy deikua cha, Amâ chapia aw.”

AMÔSÂ 4:11

“Sawdawmâ nata Kawmawrâ khihpizy Khazohpa ta a paraopa hawhta, Nama hry liata thokha cha parao ei na ta, Mei tawhta thothu a daopa hawhta nama vaw châ haw; Chatanachôta kei lâ vaw kua veih ei chi,” Abeipa ta a tah.

1 KAWRINI 10:5

Châhrasala ama hry liata chyhsa hluh via chô liata Khazohpa palôh châ leipa ta, ama rizy râhchawhpa liata hiepatlapa ta a y.