BIESOZY 21:1 - Mara Bible RV (BSI)

¹ Abei palôh cha Abeipa ku liata y ta, Vahtie ti hawhta a khona lâ maih a palosa tyh.

BIESOZY 21:1 ပူးပေါင်းရင်းမြစ်များ

2 ABEIZY 19:33

 vyna lâpi lâta, cha lâpi lâ tlai chata a lie aw ta, he khihpi he vaw tlô aw vei,’ Abeipa ta a tah.

EZRÂ 1:1

Persia bei Kôresâ â beina kô khana liata, Zeremiah pakah tawhta a puapa Abeipa bie a vaw tlôpaki thei nawpa ta, Abeipa ta Persia bei Kôresâ palôh pathyu ta. Chatanachata a khinarâh zydua liata biephuahpa tao ta, hetana heta ropa ta a papua:

EZRÂ 1:2

“Persia bei Kôresâ ta hetana heta a tah: Abeipa, avâ Khazohpa ta khizaw khinarâh zydua na pie ha ta, Zudâh râh Zerusale khihpi liata ano châta o sapa awpa ta bi eina pie.

EZRÂ 6:22

Thinô pahlao leipa Viahchhâ Kyhchhi cha noh sari chhôh a ly ngaitapa ta hmâh ei ta. Abeipa ta Asuria bei palôh âmo lâ paheisa ta, Izarei Khazohpa o sana liata ama ku tha a patlôpa vâta, Abeipa liata amâ ly ngaita.

NEHEMIAH 1:11

Hy Abeipa, châ chakaotuhpa thlahchhâna lâ he na nah rie vaw pachôh mah y. Na moh china liata a lypa, châ chakaotuhpazy thlahchhâna lâ na nah vaw pachôh la, châ chakaotuhpa he tanoh hlao na patlohsa la, he chyhsa mohmô liana heta zawngiahna rie na patosa mah y,” tah na ta. Kei cha abei nyu hlâtuhpa ei châ.

NEHEMIAH 2:4

Abei ta, “Khâpa na hia khoh?” na tah ta. Avâ Khazohpa lâ thlahchhâ na ta.

NEHEMIAH 2:8

Abei râhmâhpa avaotuhpa Asâpha hnohta chhao, Achhyna o dôhna chhikao tlâh, khihpi thokhy nata ei pahrâ nawpa o châta a ngiahpa thozy na pie awpa ta châ na taopa awpa ta ei châ haw,” tah na ta. Ei Khazohpa ku phapa cha ei chô liata y ta, abei ta ei hiapazy cha hlao na patloh ta.

ESTHERI 2:17

Abei ta chanô hropa zydua hlâta Estheri cha khoh chai ta, laihsa kôpa hropa zydua hlâta abei ngiachhiena nata khokheina to via ta, chatanachata beilakho pakho ta, Vâsti vyuhpa ta beinô ta a tao haw.

HLAZY 105:25

A phopi a hao awpa ta Izi mo palôh pakuasa ta, Ano a chakaotuhpazy chô liata piehpie ngaitapa ta a pataosa ei.

HLAZY 106:46

Sei ta âmo a chhituhpazy cha, Âmo a pangiachhiesa ei.

HLAZY 114:3

Tilaipi ta moh ta a râ ta, Zawdâh a hnawh lâ â lie.

HLAZY 114:5

Hy tilaipi, khazia nâ râ haw? Hy Zawdâh, khazia na hnawh lâ nâ lie haw?

HLAZY 74:15

Tihnawhzy a papuatuhpa nata vahtiezy a palosatuhpa châ chi ta, Vahtly tipi a pakuatuhpa na châ.

HLAZY 93:4

Vâ chô sâhpa liata Abeipa cha thatlôpa châ ta, Tisaih a aoh ngâpa hlâta a thatlô via ta, Tilaipi chatlaopa hlâta a thatlô via.

PUASAINA 7:3

Ngiana nata hmonoâhpazy Izi râh liata ei papôhsapa chhao ta, Phiraoh palôh cha a kuh ei pachhasa ha aw.

BIESOZY 16:1

Palôh achhuahna cha chyhsapa eih châ ta, Paleih achhyna deikua cha Abeipa tawhta a châ.

BIESOZY 16:9

Chyhsapa palôh ta a lâpi pachâhpady ta, A lâsie a chhituhpa deikua cha Abeipa a châ.

BIESOZY 20:24

Chyhsapa keih chakânazy cha Abeipa raopa châ ta, Kheihta ma chyhsa ta a lâpi a pahno thei aw?

ISAI 43:19

Moh teh u, hmo thiehpa tao aw na ta, Tahmâ tlai chhao he y ha ta, Hmô veih ei chi ma? Râhchawhpa liata lâpi tao aw na ta, Râh raohpa liata chavahzy ei tao aw.

ISAI 44:27

Ti a thupa hnohta, ‘Kua teh, na chavahzy ei pakua khai aw,’ A tahtuhpa ei châ.

ZEREMIAH 39:12

“Zeremiah cha kei la la, a phapa ta mohôh mah y. Pasasa leipa la, a cha chhopa hawhta a chô liata tao mah y,” tahpa ta biepie ta.

DÂNIAH 4:35

Lei chyhsa zydua cha, Hraoleipa ta pachâpa châ ei ta; A khozie hawhta vâmozy hry liata tao ta, Lei chyhsazy hry liata chhao a tao tyh; A ku a chalihsa theipa y leipa ei ta, “Khâpa hmo ma na tao haw?” A tah theipa y hra veih ei.

HMOTAOPAZY 7:10

a riethei taona zydua liata pachha lymâ ta, Izi bei Phiraoh hmiakô liata khokheina patosapa ta, sona ta tobi ta. Chatanachata Phiraoh ta Zawsi cha Izi râh chô liata ryureituhpa nata ano chhôhkha zydua chô liata ryureituhpa ta tao ta.

BIEPHUAH 16:12

Vâlyuhchâpa pacharuna ta a biebuh cha Ufrâti vahpi liata patlai ta. Nochhi beizy châta lâpi a chhuahdy awpa ta, a ti cha kua ha ta.

BIEPHUAH 16:4

Vâlyuhchâpa pathôhna ta a biebuh cha chavahzy nata tihnawhzy liata patlai ta. Thisaih lâta a vaw lie ta.