BIESOZY 20:8 - Mara Bible RV (BSI)

⁸ Ryureina beidyuchhai liata a tyuhpa abei cha, A mo ta hmo pha leipa zydua a pahrua tyh.

BIESOZY 20:8 ပူးပေါင်းရင်းမြစ်များ

2 SAMUELA 23:4

My noh khaihpa hawhta châ ta, Noh vaw chhi ta meihdo a y leipa my hawh a châ. Vâsua khai noh khaih pha ry liata, Alei si panyupa a kaw pyuhpa hawhta a châ.

1 ABEIZY 7:7

Beidyuchhai Aikah tao ta, he he ryurei nawpa su a châpa vâta, Ryureina Aikah tahpa ta awpa a châ. Cha cha siphiah tawhta palaih taihta sidy tho ta khupa a châ.

HLAZY 72:4

Râhsaw dyhchhiepazy a duakhei sala, Phahlapa sawzy pachhapa ta, Tlybaituhpazy chanaoh mawh sy!

HLAZY 92:9

Hy Abeipa, na chariahpazy moh tua, Na chariahpazy cha leidia aw ei ta, Hmoparaopa zydua papaipa ama châ aw.

HLAZY 99:4

Hy Bei thatlôpa, adona pasô chi ta, Thlua hlei hnei leina ryureina na padua haw; Adona ta ryureih chi ta, Siana ta Zakaw chô liata ryu na reih.

BIESOZY 16:12

Beidyuchhai cha siana ta paduapa a châpa vâta, Hmo pha leipa taopa cha beizy châta pasichhihpa a châ.

BIESOZY 20:26

Bei sopa cha moleipa pahrua thai ta, Ama chô liata tiaki a pahieh thlu tyh ei.

BIESOZY 25:5

Abei mohmô tawhta moleipazy la ha la, A beidyuchhai cha siana ta paduapa a châ aw.

BIESOZY 29:14

Dyhchhiepazy châta â dopa ta a pachiatuhpa abei cha, Chhâzaw ta a beidyuchhai â duah aw.

ISAI 32:1

Pachâ teh u, siana ta ryu a reih awpa bei vaw pua aw ta, Beimachâzy ta adona ta ryu ama reih aw.

MATHAI 12:30

Ei chhâh a châ leipa cha nâ dyuhtuhpa châ ta, nâ pahmaohkhei leipa cha a papaituhpa a châ.