BIESOZY 20:6 - Mara Bible RV (BSI)

⁶ Mo hluhpi ta chyhsa phapa hawhta âmosasyh a reih ei ta, Chyhsa ngâchhihpa deikua ahy a hmô thei aw?

BIESOZY 20:6 ပူးပေါင်းရင်းမြစ်များ

HLAZY 12:1

Hy Abeipa, na bao mah y, Khazohpa a pachâpazy y khao leipa ei ta, Ngâchhihpazy cha chyhsa sawzy hry tawhta ama lei ha hih.

HLAZY 12:2

Chyhsa to ta ama vaihzy hnohta haipa bie reih ei ta, Reithai pakheina hmao ta reithaipa ta, Haidihaiduahna palôh ta bie ama reih tyh.

BIESOZY 20:5

Chyhsa palôh liata saduthliena cha ti athupa hawhta châ ta, Châhrasala novâhna a hneipa chyhsa ta cha a sy papua thei aw.

BIESOZY 25:14

Hmo a pie leipa tlai ta piepa hawhta â reihpa cha, Vâsua ti a hnei leipa meihdo nata thlih hawhta a châ.

BIESOZY 27:2

Nâma pakah ta a reithai leipa la, Mohropa ta tlao cha reithai sala; Nâma hmao ta châ leipa sala, Khichhaipa hmao ta tlao cha reithai mawh sy.

BIECHHOTUHPA 7:28

Cha cha ei hro ta khâ a tluapa, châhrasala ei hmô thei leipa a châ. Chapaw sâh kha hry liata pakha hmô na ta, chanôzy hry tawhta deikua, pakha hmah hmô va na.

ZEREMIAH 5:1

Zerusale khiliah liata a râhreih u la, Moh u la, ngia teh u! A tlyliahzy liata tlua u la, Adona tao ta ngâchhihna a tluapa Pakha chhâ nama hmô khiahta cha, Zerusale cha ei ngiahthai aw.

MIKÂ 7:1

Ei hupo rimâ cha! Nopi daihti theilâpa pakhy nota, Kre theizy kâmo thoh nota, A sao nie awpa a y leipa hawhta châ na ta; Ei hro ta a tlaichhai kawpa Theiku hmoh tuapa y leipa hawhta dia ei châ haw!

MIKÂ 7:2

Khazohpa chyhsa cha, Alei tawhta leidia ha ta; Chyhsapa hry liata Adopa rai y khao veih ei; Thisaih palo awpa ta a byhpa sai châ ei ta, Sao ta a unawhpa a chadipa sai ama châ.

MATHAI 6:2

“Chavâta phahlapazy hmo na pie tita, phapakheipazy ta chyhsa reithaina ama hlao thei nawpa ta, pakhyna ozy liata nata lâlaizy liata ama taopa hawhta, na hmia lâta chiahmie tô laih khah y. Hmeiseihta ta ei cha chho ei, ama lymâ ama hmô haw.

LUKA 18:11

Phârisaih cha a duah ta, he hawhta thlah a chhâ: ‘Khazohpa y, mohropazy hawhta avyuhpa, chyhsa doleipa nata apheipa châ leipa na ta, he chhiekheituhpa hawhna chhao heta ei châ leipa vâta alyna bie ei cha hlâ.

LUKA 18:28

Pity ta, “Moh teh, eima olyuzy siesai khaipa ta eima cha zi hih,” tah ta.

LUKA 18:8

Ei cha chho ei, ama châta hmo dopa thlai a taopa aw ei. Anodeikua cha Chyhsa Sawchapawpa â vy tita, khizaw liana he ngiapâna a vaw hmô aw tly ma?” tah ta.

LUKA 22:33

Pity ta a hnohta, “Abeipa, na hnohta patâhna o lâ nata thina lâ sie awpa ta ei mâ thlâh haw,” tah ta.

ZAWHÂNA 1:47

Zisu ta Nâthaniah ano lâ â vy haipa a hmô nahta, a thâtih reih ta, “Moh teh u, Izarei saw hmeiseihpa, haidihaiduana rai a hnei leipa chyhsa huh!” tah ta.

2 KAWRINI 12:11

Ei hru ha hih! Nâmo ta einâ duakhei awpa ei chi châ taraw ta, châhrasala hru lei thei lei awpa ta eina tao ha ei chi. Khâpa hmah châ vei hraw sah la, lyuhchâpa laipa nama tahpazy hlâta nawh via tiarâh va na.