BIESOZY 20:25 - Mara Bible RV (BSI)

²⁵ A chatlie baikhaipa ta Abeipa lâ hmo hlâ awpa bie a taihpa cha, Â taihtuhpa châta khoheih châ ta; Bietai tao khai tawhta pachâ pathi heihpa chhao, Â taihtuhpa châta khoheih a châ hra.

BIESOZY 20:25 ပူးပေါင်းရင်းမြစ်များ

BIESOZY 18:13

Bie thei pasia hlâta achhyna a piepa chyhsa cha, A hruna nata a maophyuhna a palâsa.

BIESOZY 18:7

Ahrupa pakah cha ano raona châ ta, A hmao chhao a hro châta khoheih a châ.

BIECHHOTUHPA 5:2

Na pakah a para leipa la, na palôh ta Khazohpa hmiakô ta bie rei awpa chatlie tu khah sy. Khazohpa cha avâ liata y ta, nâ deikua cha alei liata y tlôh chi ta, chavâta bie reih chyh mah y.

THEIHTHAINA 5:15

“Chyhsa ta hmo paraopa ta Abeipa hmo pathaihpazy chô liata a molei pathlei khiahta cha, a moleina ty thô nawpa ta, mietaku zaw hry tawhta mietaku tôhpa seina hnei leipa Abeipa lâ a hlâ awpa a châ. Supathaihpa tâkâ reizie ta reipa ta, mietaku tôhpa mâ dopa cha a tâkâ ta cheih pâ aw ta, thaileichâna hlâna châta a hlâ aw.

MATHAI 5:33

“Hlâno chyhsazy hnohta, ‘Haipa ta bie nâ taih awpa châ vei, bie nâ taihpa cha Abeipa lâta na patlô awpa a châ,’ tahpa ta chhopa ama châpa nama pahno.

RYHPACHANEINA 23:22

Bie namâ taih leipa khiahta cha, thailei châ aw veih ei chi.

RYHPACHANEINA 23:23

Nama hmao tawhta a puapa cha, nâmo kho tlai ta, nâmo pakah tlai ta Abeipa nama Khazohpa liata bie namâ taihpa a châpa vâta, nama tao thlyu awpa a châ.

RYHPACHANEINA 23:24

“Nama vaih kre sadô nama chapia nota, nama lôhrâtlôna taih nie thei ei chi ta, nama hrâbyh liata deikua nama khô awpa châ vei.

RYUREITUHPAZY 21:22

Ama pawzy tlyma, ama rilâhpazy tlyma ta keimo lâ a vypa ta ama vaw paphôh khiahta cha, ama hnohta, ‘Zawh miah a ngiah u la, âmo he pasai teh u, adyuhna liata ama zydua châta lapinô patupa khai thei leipa pi ta, nâmo hra ta lapinô pie thei tlôh leipa ei chi ta, chavâta thailei nama châ tlamaw aw,’ tahpa ta eima chho aw,” tah ei ta.