BIESOZY 2:7 - Mara Bible RV (BSI)

⁷ Chyhsa dopa châta sona patapa pachôpa ta, Ngâchhihpa ta a ypazy châta ano cha vyhphao a châ.

BIESOZY 2:7 ပူးပေါင်းရင်းမြစ်များ

ZAWBÂ 28:8

Sahrâhpa a khotlâh kawpazy ta tly bei leipa ei ta, Chakeibarôhneipa ta chapia beih vei.

HLAZY 144:2

Ano cha ei châta ngâchhihpa nata ei thokhy châ ta, Ei diahsua nata nâ pachhatuhpa a châ; Ei vyhphao nata ei chhaina châ ta, Phopizy ei ry liata panawhtuhpa a châ.

HLAZY 3:4

A paropa ta Abeipa aw na ta, A tlâh pathaihpa tawhta einâ vaw chhy. Selah

HLAZY 84:11

Zehôvâh Khazohpa cha noh nata vyhphao châ ta, Abeipa cha khokheina nata palyupalihna a pietuhpa a châ. Âdopa ta a ypazy châta cha, Hmo phapa thlyu aw vei.

BIESOZY 14:8

Asopa sona cha a sie nawpa lâpi pahnosa ta, Ahrupazy hruna deikua cha dôveina a châ.

BIESOZY 28:18

Adona ta a hrohpa cha pachhapa châ aw ta, A hroziezy adoleipa deikua cha eikhapi ta a pao aw.

BIESOZY 30:5

Khazohpa bie zydua â do tahpa pasiapa châ ha ta, Ano cha a chhaituhpazy châta vyhphao a châ.

BIESOZY 8:14

Ryhrao thaina nata sona dopa zy cha kei eih châ ta, Novâhna hnei na ta, thatlôna ei hnei.

1 KAWRINI 1:19

“Asopazy sona pahleipadia aw na ta, Athaipazy novâhna ei thy aw,” tahpa ropa a châ.

1 KAWRINI 1:24

Zuzy ama châpa chhao ta, Krikâhzy ama châpa chhao ta, awpazy châta cha, Krista cha Khazohpa hmotaotheina nata Khazohpa sona a châ.

1 KAWRINI 1:30

Nâmo deikua cha, ano zawhzi ta Krista Zisu liata nama y. Ano cha keimo châta Khazohpa tawhta sona vaw châ ta, eima siana, pathaihna nata chatlaina a châ hra.

KAOLAOSÂ 2:3

Sona nata pahnona hneirôna zydua Krista liata nyupa a châ.