BIESOZY 19:29 - Mara Bible RV (BSI)

²⁹ Chyhsa pasipasawh a hmâhpazy châta hriena a mâ chiehpa ta y ta, Ahrupazy hnôhky chhao tu awpa ta a mâ chiehpa ta a y.

BIESOZY 19:29 ပူးပေါင်းရင်းမြစ်များ

2 ABEIZY 2:24

A vaw heih ta, âmo cha vaw hmô ta, Abeipa moh ta ama chô liata chhiesa ta. Lyurâhpa tawhta chavyh panô pô no vaw pua ei ta, ama hry liata hawti sypalih nata panozy cha a hriechheih khai ha ei.

HLAZY 1:1

Hmoparaopazy ryhraona a chhih beih leipa, Moleipazy lâpi liata a duah beih leipa, Chyhsa a mohnao thaipazy dyuchhai liata a tyuh beih leipa, Cha hawhpa chyhsa cha a nohlao na.

BIESOZY 1:22

“Nâmo sona a phahlapazy saih u, So leipa ta ypa he khachâ ma nama pasô chy aw tly? Pasipasawh a thaipazy ta khachâ ma chyhsa pasipasawhpa paphasa aw ei ta, Ahrupazy ta khachâ ma pahnona amâ hao aw tly?

BIESOZY 1:26

Kei chhao ta chhiena namâ tyhna liata cha pahneisao aw ei na ta, Hmo chichhihpa ta a cha tla thlu ti ei ta ei cha pahneisao aw ei.

BIESOZY 10:13

Novâhna a hneipa hmaozy liata sona hmôpa châ ta, Pahnona a phahlapa châta deikua cha a ky châta sôsi a y.

BIESOZY 17:10

Ahrupa ei za kha chheipa hlâta cha, Asopa ei kha rapa â ngia pathu via.

BIESOZY 18:6

Ahrupa hmao cha ahryuna tlôkhei ta, A pakah ta atuna a aw.

BIESOZY 26:3

Chheina ri cha arâ châta châ ta, Chhâri cha alâ châta châ ta, Sôsi cha ahrupa ky châta a châ.

BIESOZY 3:34

Mohnaotuhpazy cha mohnao ta, Areisipazy chô liata deikua ngiachhiena a palâsa tyh.

BIESOZY 7:22

Viahchao tôhpa thiena su lâ a siepa hawhta, Ahrupa cha thlai ama patupa hawhta, Satliapa ta chanô cha thlai a pazi haw.

BIESOZY 9:12

Na vaw sopa chhao ta, Nâma châta soh chi ta; Nâ khotlâh khiahta cha, Nâ pyly ta pasa na tao aw.

ISAI 28:22

Chavâta chyhsa pahneisao khao khuh vy, Chataleipatala nama bâliazy pa-ipa a châ pathlei aw na; Pheisaihzy Abeipa Zehôvâh tawhta, Râh pôhpalôhpa parao nawpa biepiepa ei thei haw.

ISAI 29:20

Nôchhiepa leidia aw ta, Pahneisaotuhpa â chalih aw; Hmo pha leipa lâta a mo a padeihpa zydua cha, Chhawh pathlahpa ama châ aw.

RYHPACHANEINA 25:2

Moleipa cha tu tlâh a châ khiahta cha, ryureituhpa ta paziasa aw ta, ryureituhpa hmiakô liata ama tu aw. A moleina yzie hawhta, ei khazie tu awpa ma tahpa raopa a châ aw.

HEBRAI 12:6

Abeipa ta a kyhpachâpa cha chhorei ta, Saw ta â pyhpa maih a chhei tyh.”