BIESOZY 19:27 - Mara Bible RV (BSI)

²⁷ Ei sawchapawpa y, pachuna nathliepa na bâsai khiahta cha, Novâhna biezy na paviasai aw.

BIESOZY 19:27 ပူးပေါင်းရင်းမြစ်များ

2 SAMUELA 13:5

Zônadâ ta a hnohta, “Na rakhô liata a zia la, a tlâh leipa hawhta y pakhei la, na paw ta a cha vaw mo tita, a hnohta, ‘Ngiachhiepa ta ei sietanô Tâmâri a vy sala, viahchhâ ei nie awpa bâh na vaw pie mawh sy. Ei mohmô liata viahchhâ na taopa sala, a viahchhâ taopa cha moh aw na ta, ano ku ta eina paniesa aw,’ na vaw tah aw,” tah ta.

2 THÂTIHZYRONA 10:10

A richâhkha thyutliazy ta a hnohta, “‘Na paw khata eima raopaky pahri ngaita tyh ta, nâ ta cha miah pahuapa teh,’ châ tahtuhpa zawpizy hnohna chata, ‘Ei paw byhpizy hlâta ei kuparo tieta a lai via.

BIESOZY 14:7

Ahrupa cha a hlasai mah y, Ano tawhta nâ chu awpa biesozy y vei.

BIESOZY 19:26

A paw chô liata kupathla ta a nô a papuapa sawchapaw cha, Nozana nata nohzaona a tlôkheituhpa a châ.

BIESOZY 19:28

Pahnokheituhpa leilôpa ta adona pahneisao ta, Moleipa pakah ta moleina a palâ tyh.

ZEREMIAH 27:9

“Chavâta, ‘Babylaw bei nama chakao awpa châ vei,’ châ tahtuhpa nama hrohsopazy, peihthaipazy, mâsathaipazy, moliethaipazy nata dyuthaipazy bie nama nathlie awpa châ vei.

MATHAI 16:12

Chatanachata viahchhâ thinô liata a vaih awpa ta a chhopa ei châ leipa ta, Phârisaihzy nata Saduasizy pachuna liata a vaih awpa kyh tlao a châzie pahno ha ei ta.

MATHAI 16:6

Zisu ta ama hnohta, “A hrohrua u la, Phârisaihzy nata Saduasizy thinô liata a vaih teh u,” tah ta.

MATHAI 7:15

“Hrohso pakheipazy tawhta a vaih muh vy. Chazy cha mietaku vo a bupa ta nâmo lâ a vy ei ta, ama chhôh lâ deikua cha changie chahraochatôhpazy ama châ.

MÂKA 4:24

Zisu ta ama hnohta, “Nama bie theipa cha pakhâta ta pachâ teh u: nama panuana lilaw ta panuapa châ aw ei chi ta, cha hlâta hluh via chhao ta piepa nama châ aw.

ZAWHÂNA 10:5

Khichhaipa ao cha ama pahno leipa vâta, ano cha pazi leipa aw ei ta, tlao amâ râsai aw,” tah ta.

EPHESI 4:14

Chatanachata chyhsa so piehpiena nata dôthaina hmotaopa tichatlaopazy ta hao lâ he lâ a chatlaopa nata pachuna ziza to ta a phao pahaipa hawtipa châ khao aw ma pi.

1 TIMAWTHY 4:7

Khazohpa nata a zao leipa phôhpa thlâhthlipazy nata nôpipazy biephôh liata pahâh leipa la, Khazohpa chyhsa châ awpa ta nâmasasyh ta a hrie mah y.

1 ZAWHÂNA 4:1

Kho ngaitapa saih u, thlahpa momaih zo khuh vy. Hrohso pakheipa hluhpi khizaw liata ama vaw pua hapa vâta, thlahpazy cha Khazohpa tawhta a châ ma, châ vei ma tahpa pasia tyh muh vy.

2 ZAWHÂNA 1:10

Ahy rai Krista pachuna bie a phao leipa ta nâmo lâ â vy khiahta cha, nama o liata patlôsa leipa u la, reikah phapa chhao hlâ khuh vy.

BIEPHUAH 2:2

“‘Na hmotaopa, na hriapasazie, na tao hualuazie nata chyhsa moleipa na chhyh thai leizie zy ei pahno. Lyuhchâpa châ tlôh leipa ta lyuhchâpa â tahpazy pasia chi ta, a haihpa ama châ tahpa na pahno.