BIESOZY 19:16 - Mara Bible RV (BSI)

¹⁶ Biepiepa a vaopa cha a hro a vaopa châ ta, A lâpizy a uasa leipa deikua cha a thi aw.

BIESOZY 19:16 ပူးပေါင်းရင်းမြစ်များ

ZAWBÂ 5:2

Ruchhôna ta ahrupa thie ta, Hiatliana ta angâpa a patlaopâ tyh.

HLAZY 103:18

A kyhpachâna tleih beih leipa nata a siana cha, A biehrai zyh ta, A biepiepazy tao awpa ta a thei thlâhpazy chô liata a y lymâ.

BIESOZY 13:13

Bie a mohnaopa chyhsa cha anosasyh ta raona a tao ta, Biepiepa a chizapa deikua cha lymâ a hmô aw.

BIESOZY 15:32

Pachuna a uasa leipa cha a hro khâpasaw ta a reih leipa châ ta, Chhoreina a nathliepa deikua cha novâhna a to aw.

BIESOZY 16:17

Chyhsa dopa lâlai cha moleina chahrih ta, A lâpi a phapa ta a vaihpa cha a hrona a pabohsa.

BIESOZY 21:16

Sona lâpi a tleisaipa cha, Athipazy ypakhyna liata â pahâ aw.

BIESOZY 21:23

A pakah paleih a vaihpa cha, Nôpona tawhta a hro a vaihpa a châ.

BIESOZY 22:5

Palôh akopa lâpi liata ahlohzy nata khoheihzy y ta, A hro a vaihpa ta â hlasai aw ei.

BIESOZY 29:18

Hmiasai y leina liata cha phopi leidia ei ta, Ryhpa a zyhpa deikua cha vânoh a to aw.

BIESOZY 3:1

Ei sawchapawpa y, ei pachuna my leipa la, Na palôh ta ei biepiepazy a vao thlâh ha mah y.

BIECHHOTUHPA 12:13

Bie zydua reipa nata theipa a châ khai tawhta, cha bie zydua sypahmaohna cha he he a châ: Khazohpa chi la, a biepiepazy a pyh mah y. Cha cha chyhsa to tao awpa ama maophaohna a châ.

BIECHHOTUHPA 8:5

Biepiepa a zyhpa cha pasa tao aw vei. Palôh sopa cha a daihti pahno thai ta, taozie dopa chhao a pahno.

ZEREMIAH 7:23

‘Ei ao nathlie u la, nama Khazohpa châ aw na ta, ei phopi nama châ aw. Bie ei cha piepa zydua zyh u la, nama châta a pha aw,’ tahpa ta bie tlao ei pie ei.

EZEKIA 33:5

Chiahmie pyu thei ta, châhrasala zikyurâna a papeisa leipa vâta, a thisaih cha ano chô liata a y aw. Zikyurâna a papeisa khiahta deikua cha, a hro a pabohsa aw.

MATHAI 16:26

Chyhsa ta khizaw he a pôhpalôhpa ta hnei sala, a thlahpa a pahlei tlôh khiahta cha, a châta khâpa a phahnai aw? Cha leipa chhao ta, chyhsa ta a thlahpa vyuhpa ta khâpa a pie aw?

LUKA 10:28

Zisu ta a hnohta, “Nâ chhy pado na. Cha hawhta tao la, na hroh aw,” tah ta.

LUKA 11:28

Châhrasala Zisu ta, “Khazohpa bie thei ta a zyhpazy cha chyhsa nohlao hmeiseihpazy tlao ama châ,” tah ta.

ZAWHÂNA 14:15

“Kyh eina pachâ khiah ei chi ta cha, ei biepiepazy nama zyh aw.

1 KAWRINI 7:19

Chopawtaipa cha khâpa hmah châ leipa ta, chopawtaileipa chhao khâpa hmah châ hra vei. A peimawhpa cha Khazohpa biepiepazy zyhpa he a châ.

1 ZAWHÂNA 3:22

A biepiepazy zyh pi ta, â lyna hmo eima taopa vâta, eima hiapa maih ano tawhta eima hmô tyh.

1 ZAWHÂNA 5:3

A biepiepazy eima zyhpa he Khazohpa kyh eima pachâna cha a châ. A biepiepazy cha a hri tlôh lei khâh ta.

BIEPHUAH 22:14

“Ama chysiazy a pasupa cha ama nohlao na. Hrona tho chô liata biehnei thei aw ei ta, chhikaozy lâ tawhta khihpi chhôh lâ amâ ngia thei aw.