BIESOZY 19:12 - Mara Bible RV (BSI)

¹² Abei hiehâna cha chakeibarôhneipa a rôhpa hawhta châ ta, A khokheina deikua cha sibiepa chôta diati a tlapa hawhta a châ.

BIESOZY 19:12 ပူးပေါင်းရင်းမြစ်များ

ÂTHAONA 27:28

Khazohpa ta avâ diati cha piepa ta, Lei phapa cha pie sala, Sâh nata kresawhti hluhpi cha pie mawh sy.

2 SAMUELA 23:4

My noh khaihpa hawhta châ ta, Noh vaw chhi ta meihdo a y leipa my hawh a châ. Vâsua khai noh khaih pha ry liata, Alei si panyupa a kaw pyuhpa hawhta a châ.

ESTHERI 1:12

Châhrasala Beinô Vâsti ta chakaotuhpazy ta bei biepiepa ama chhopa cha paryhsa leipa ta. Abei cha a ruchhô ngaita ta, pathi iapa ta a chhôh thata kâ ta.

ESTHERI 7:8

Abei cha abei sadô tawhta kresawhti ama dona su lâ a vaw lie ta, Estheri atyuna dyuchhai liata Hâmâ paopa cha hmô ta. Abei ta, “Ei mohmô nata ei o lia taihta beinô patupakhi â chhuah bâ he zaw,” tah ta. Cha bie cha abei pakah tawhta a puapa nahta, Hâmâ hmia cha khu ei ta.

HLAZY 133:3

Adyhna cha Hâmaw diati lyu ta, Zaio tlâhzy liata a tlapa diati tlai a lyu. Adyhna liana cha Abeipa ta byhnâ tona bie pie ta, Tlyzaw hrona bie a pie.

HLAZY 72:6

Abei cha sibie thlyupa chô liata vâsua hawhta châ sala, Alei a baopa khihti hawhta châ mawh sy!

BIESOZY 20:2

Abei hiehâhpa cha chakeibarôhneipa a rôhpa hawhta châ ta, Abei hie a pahâhpa chyhsa cha a hro châta chi â chhih.

BIESOZY 28:15

Phopi dyhchhiepa chô liata ryureihtuh chhiepa cha, Chakeibarôhneipa a rôhpa hawhta châ ta, Chavyh a thyupa hawhta a châ.

BIECHHOTUHPA 8:4

Abei bie a bei chai ta, ahy ma a hnohta, “Khâpa ma na tao?” a tah thei aw?

ISAI 18:4

Abeipa ta ei hnohta hetana heta a tah: “Noh sa nota noh lopa hawhta, Ei pahrâna su tawhta a chalihpa ta sai aw na ta, Sâh hria noh lo nota avâ meihdo hawhta, A chalihpa ta ei sai thlâh ha aw.”

DÂNIAH 5:19

Laina a piepa vâna chata, phopi to, râh to nata reih to ta a hmiakô liata a chalyu ei ta, ama chi ngaita. A khopa maih thie ta, a khopa maih a pahro; a khopa maih pasâhsa ta, a khopa maih a panawh.

DÂNIAH 6:24

Chatawhcha abei ta biepie ta, hiatliana vâta Dâniah a leihtuhpazy cha a vaw chhi ei ta, chakeibarôhneipazy lôpu liata thy ei ta, âmo, ama sawzy nata ama lapinôzy chhao ta. Lôpu siphiah chhao ama tlô hlâta, chakeibarôhneipazy ta a vaw zawhnao ei ta, ama ru zydua taihta a tlawh ta ama thlie pachhô khai haw.

HÔSIA 14:5

Izarei châta diati hawh châ aw na ta, Ano cha lilipaw hawhta pawh aw ta, Lebanaw tho hawhta thari a thla aw.

MIKÂ 5:7

Zakaw laibâhpazy cha, Phopizy hry liata ama y aw; Abeipa tawhta diati hawhta châ aw ei ta, Sibiepa chô lia vâsua hawhta ama châ aw; Chyhsa châta pahawhpasâh leipa aw ei ta, Chyhsa sawzy hâ hra aw veih ei.

RYHPACHANEINA 33:28

Chatanachata Izarei cha, Sâh nata kresawhti râh liata â bohpa ta ypa ta, Avâzy ta diati ama patlasana liata â bohpa ta y ta, Zakaw pahrâna cha thlalôhpa ta a y.