BIESOZY 19:11 - Mara Bible RV (BSI)

¹¹ Sona ta chyhsa palôh pasisa ta, Pasasana mopakhôpa cha a rônahna a châ.

BIESOZY 19:11 ပူးပေါင်းရင်းမြစ်များ

2 ABEIZY 5:12

Dâmaskâ liata Abanâ nata Phâpa chavahzy cha Izarei ti zydua hlâta pha via veih ei ma? Chazy liata ngai a sipa ta a pathai thei va na ma?” tah ta. Chatanachata a lie ta, hiehâh ngaitapa ta sie ha ta.

BIESOZY 11:13

Chyhsa kyhchhie a reih thaipa cha bieruzy phuah tyh ta, Ngâchhihna palôh a hneipa deikua cha bie a nyu thei.

BIESOZY 12:16

Ahrupa cha a ruchhôna thlai a lâ tyh ta, Asopa deikua cha hmia pachhiena pahno lei â pachâ tyh.

BIESOZY 14:29

Hiehâhna kyh liata nainôsôpa chyhsa cha novâhna a hnei hluhpa châ ta, Thlai ta a hie a hâh thlâh ha tyhpa chyhsa deikua cha hruna a cheihchalo tyh.

BIESOZY 15:18

Chyhsa pathichhiepa cha ahryuna pathyu ta, Nônaipa deikua cha aeichhiana a padia tyh.

BIESOZY 16:32

Chyhsa palôh pasipa cha, Thatlôpa hlâta pha via ta; Ano palôh chô liata bie a hnei theipa chhao, Khihpi a latuhpa hlâta a pha via.

BIESOZY 17:14

Ahryuna athaona cha ti pasapa hawhta châ ta, Chavâta ahryuna a pua hlâta a hneisai ha mah y.

BIESOZY 20:22

“Moleina cha viari ei thô aw,” tah khah y, Abeipa hâ la ano ta a cha pachha aw.

BIESOZY 20:3

Ahryuna a chalihsaipa cha zachhihna palâsa ta, Ahrupa deikua cha tu a thyu laih aw.

BIESOZY 25:21

Na chariahpa a no a di khiahta cha nie awpa pie la, A dâh a phi khiahta cha ti do awpa pie mah y.

BIESOZY 29:11

Ahrupa cha a hiehâhna zydua reih papua ta, Asopa deikua cha nyu ta â chalihkhei tyh.

EPHESI 4:32

A ngiachhie raihriepa ta, tha a pasa raihrie u la, Khazohpa ta Krista liata a châ ngiahthaipa hawh ei ta, a ngiahthai raihrie teh u.

ZÂMIE 1:19

Unawh kho ngaitapa saih u, he he pahno teh u. Chyhsa to ta bie rei a chhu leipa ta, nathlie tlao a chhu ei sala, hiehâh rupa châ mawh ei sy.