BIESOZY 19:10 - Mara Bible RV (BSI)

¹⁰ Ahrupa nata phasana hro a khyh leipa ta, Sei ta abeisawzy chô liata ryu a reipa awpa chhochhi â khyh lei pachai.

BIESOZY 19:10 ပူးပေါင်းရင်းမြစ်များ

2 SAMUELA 3:39

Abei châta sathawthupa châ hra aw sah la, tanoh la ei vaw nainyu khai ha na. He chyhsazy, he Zeru sawchapawzy he ei chô liata ama chahraochatôh tu haw. Hmo pha leipa a taopa cha, a hmotaozie lymâ hawhta Abeipa ta viari a thô aw” tah ta.

ESTHERI 3:15

Biepiepa cha thokhy khihpi Susâ liata papuapa châ ta, bei biepiepa hawhta châraituhpazy ta a chatliepa ta sie ei ta. Abei nata Hâmâ cha sahma do awpa ta a tyuh ei ta. Cha nota Susâ khihpi deikua cha thata â tymâ.

BIESOZY 17:7

Reih phapa cha ahrupa nata a khyh leipa ta, Hmao haihthaipa chhochhi abeisaw nata â khyh lei pachai.

BIESOZY 26:1

Nopi noh nata dâhaw tlapa a khyh leipa ta, Sâh hria daihti nata vâsuapa â khyh leipa hawhta, Palyupalihna chhao ahrupa nata a khyh vei.

ISAI 3:5

Chyhsazy amâ tlybai raihrie aw: Ama chyhsa châ lâhpazy tlybai aw ei ta, Ama vaihzy ama tlybai aw. Thyutliapa ta machâpa chô liata sâlâ kaw aw ta, Chyhsa nawhpa chhao zachhihpa chô liata a sâlâ kaw aw.

HÔSIA 9:1

Hy Izarei, a ly leipa la, Phopi hropazy hawhta na thapha khah sy. Sihryhpa ta na Khazohpa a pheisai chi ta, Sawhrihmo to liata Âzuahnô ty na tlaichhai tyh.

LUKA 16:19

“Chyhsa hneirôhpa pakha y ta. Chysia saihlawpa nata rih dipa ta a tobipa ta, noh chareih phasa ngaitapa ta y tyh ta.

LUKA 16:23

Athihkhih liata thata pasa tao ta, avâ kaw ua ta, lâhlapi liata Abarahâ kei hmô ta, Lâzarâh cha a kalachhôh liata vaw y thlâh ha ta.

ZÂMIE 4:9

Pachârôhpa ta y u la, mâchhiesa u la, cha teh u. Nama pahneina cha mâchhiesana lâta a lie sala, namâ lyna chhao hnabeidyna lâta a lie mawh sy.

1 SAMUELA 25:36

Chatawhcha Abikai cha Nâbâ lâ vawh ta, moh tua u, Nâbâ cha a o liata kyhchhi vaw tao ta, abei kyhchhipa hawhta kyh vaw chhih ta. Nâbâ cha a pari hapa vâta a ly kawpa ta vaw y ta. Chavâta a mylâ khih pavâ hlâlei cha, Abikai ta khâpa hmah chho leipa ta.