BIESOZY 18:5 - Mara Bible RV (BSI)

⁵ Moleipa khokhei viapa pha lei­pa ta, Mosiapa adona chhupa chhao pha vei.

BIESOZY 18:5 ပူးပေါင်းရင်းမြစ်များ

ZAWBÂ 34:19

Abeisawzy khokhei via hlei leipa ta, Dyhchhiepa hlâta dyhphapa hmia a moh via hlei leipa châ vei ma? Ama zydua ta ano kuzô sai châ veih ei ma?

HLAZY 82:2

“Khati taih ma â doleipa ta ryureih aw ei chi ta, Moleipazy nama khokhei via chy aw? Selah

PUASAINA 23:2

Hmo moleipa taona liata zawpi na zi awpa châ leipa ta, biepeipa pachiana liata bie pahnotuhpa ta nâ dua tita, ryureina dopa tleisai awpa ta zawpi na zi awpa châ vei.

PUASAINA 23:3

“Dyhchhiepa ta biepeipa hnei sala, dyhchhiepa a châpa vâta na khokhei via awpa châ vei.

PUASAINA 23:6

“Dyhchhiepa cha a biepeipa pachiana liata â dona na chhu awpa châ vei.

BIESOZY 17:15

Moleipa thai a pachâsatuhpa cha, Abeipa châta pasichhihpa châ ta; Mosiapa thailei a pachâsatuhpa chhao, Abeipa châta pasichhihpa a châ.

BIESOZY 17:26

Mosiapa hriepa cha pha leipa ta, Nôpawpazy amâ dona vâta tupa chhao pha vei.

BIESOZY 24:23

Hezy chhao he chyhsa sopa biereipazy a châ. Pachiana liata khokhei viapa hneipa pha vei.

BIESOZY 28:21

Khokhei viapa hneipa pha leipa ta, Châhrasala viahchhâ tlâ kha vâta, Chyhsa ta hmo a parao thei.

BIESOZY 31:5

Ama do khiahta cha ryhpa my aw ei ta, Pasataopazy adona ama pahleipa pathlei aw.

ISAI 5:23

Panaopapana lapa ta, Thailei a châpa thai pachâ ei ta, Thai a châpa cha thailei ama pachâsa tyh.

ISAI 59:14

Ngâchhihna cha tlyliah liata a hluah ta, Biedopa â ngia thei leipa vâta, Adona cha hnôh lâ pakuasapa châ ta, Siana chhao lâhlapi liata â duah bâ.

THEIHTHAINA 19:15

“Ryureina liata â doleipa ta nama pachia awpa châ vei. Dyhchhiepa na khokhei via awpa châ leipa ta, chyhsa hmotaotheipa hmia na mo via awpa châ hra vei. Siana ta na vaih na pachia awpa a châ.

MIKÂ 3:9

Nâmo, Zakaw pathla chhituhpazy saih u, Nâmo, Izarei phopi ryureituhpazy saih u, Adona a hao ei chi ta, Apatlâpa a pakosapazy saih u,

MIKÂ 7:3

Ama kuzy ta moleina hmo taopa a saomâ kaw ta, Beimachâ nata ryureituhpa zy ta Panaopapana amâ hnaw; Molaipa ta a palôh ta moleina hmo a tao khohpa reih papua ta, Cha hawhna chata ama patipatyh khoh tyh.

MATHAI 22:16

Ama pachupazy nata Herawda py liata chyhsazy ano lâ tuah ei ta, âmo ta a hnohta, “Pachutuhpa, chyhsa dopa na châpa pahno pi ta, Khazohpa lâpi â dopa ta pachu chi ta, chyhsa pachâna la hlei leipa chi ta, chyhsa pôraoh nata hmisâ zy moh va chi tahpa eima pahno.

RYHPACHANEINA 16:19

Adona nama charichamy awpa châ leipa ta, khokhei viapa nama hnei awpa châ vei. Panaopapana nama la awpa châ vei. Panaopapana ta asopazy mo pachao ta, mosiapazy â sia lâta bie a pareisa tyh.