BIESOZY 18:24 - Mara Bible RV (BSI)

²⁴ Viasa hluhpi hneipa cha raona châ thei ta, Châhrasala unawh hlâta â i viapa viasa a y.

BIESOZY 18:24 ပူးပေါင်းရင်းမြစ်များ

2 SAMUELA 1:26

Ei unawhpa Zawnathâ y, Ei cha taokheizie rimâ cha! Ei chô liata pha ngaita chi ta, Kyh eina pachâna chi kha noâh a chhih ta, Chanô kyhpachâna hlâta â sâh via.

2 SAMUELA 15:21

Châhrasala Itai ta abei cha a chhy ta, a hnohta, “Abeipa hrona na­ta ei zibeipa abei hrona reipa ta ei reih, ei zibeipa abei yna maih liata, thina rai châ sala, hrona rai châ sala, cha liata châ chakaotuhpa chhao he ei y lymâ hra aw,” tah ta.

2 SAMUELA 16:17

Absalaw ta Husai hnohta, “He hawhna heta ma na viasapa châta ngâ nâ chhihzie na palâsa? Khazia na viasapa hnohta na sie hra vei?” tah ta.

2 SAMUELA 21:7

Châhrasala Dâvi nata Zawnathâ cha bie a taih ei ta, ama likah liata Abeipa liata bietai a ypa vâta, abei ta Sawla sawchapawpa Zawnathâ sawchapawpa Mephibôse cha pahlôh ta.

BIESOZY 17:17

Viasa cha khatino rai ta kyhpachâ ta, Unawhpa deikua cha tymâna daihti châta a pihpa a châ.

BIESOZY 27:10

Nâma viasa nata na paw viasa a paphasai leipa la, Chhiena nâ tyhna noh ta na unawhpa o pangai khah y. Lâhlapi liata unawhpa hlâta cha, Lâhnia liata a y pa na opa phapa a pha via.

BIESOZY 27:9

Sathaw nata ropahâhpa ta palôh palysa ta, Viasa ryhraokheina bie phapa chhao a thlôh ngaita.

1 SAMUELA 18:1

Dâvi ta Sawla hnohta bie a rei khaipa nahta, Zawnathâ hro cha Dâvi hro nata phie a zao ha ta. Zawnathâ ta ano hrona kyh â pachâpa tlu ta Dâvi cha a kyh pachâ ta.

1 SAMUELA 18:3

Zawnathâ ta Dâvi cha ano hrona hawh tlai ta a kyh a pachâpa vâta, a hnohta biehrai tao ta.