BIESOZY 18:22 - Mara Bible RV (BSI)

²² Lapinô a hmôpa cha hmo phapa a hmôpa châ ta, Abeipa khokheina a totuhpa a châ.

BIESOZY 18:22 ပူးပေါင်းရင်းမြစ်များ

ÂTHAONA 2:18

Zehôvâh Khazohpa ta, “Chapaw ano dei ta a ypa he pha vei, ano baotuhpa â khypa ei taopa aw,” tah ta.

ÂTHAONA 24:67

Aisika ta Rebekâ cha a nô Sârâ poh o lâ a ngiakhei ta, Rebekâ cha hnei ta, a lapinô vaw châ ha ta. Aisika ta Rebekâ cha kyhpachâ ngaita ta, chatanachata a nô a thi tawhta thlahpalôhpa ta y ha ta.

ÂTHAONA 29:28

Zakaw cha, cha hawhta tao ta, Liah hnohta y nawpa hâta cha patloh ta. Cha khai tawhta Lâbâ ta a sawchanô Râkheli cha a lapinô châta pie ta.

BIESOZY 12:4

Chanô phapa cha a vahpa châta lakho châ ta, Nozana a vaw tlôkheipa chanô deikua cha, A vahpa ru a pahmytuhpa a châ.

BIESOZY 19:14

O nata sôh zy cha pawzy tawhta ryuto châ ta, Lapinô sopa deikua cha Abeipa tawhta a châ.

BIESOZY 3:4

Chatanachata Khazohpa nata chyhsa mohmô liata, Khokheina nata moh phana na hmô aw.

BIESOZY 8:35

Nâ hmôpa maih hrona a hmôpa châ ei ta, Abeipa khokheina ama to aw.

BIECHHOTUHPA 9:9

Tihu buakha a vaw lâ ta a lei heihpa hawhta, Khazohpa ta noh ry liata noh chyhta a cha piepa liana heta, na kyhpachâpa na lapinô hnohta na hro a lypa ta hmâh mah y. Cha cha na hro chhôh ta na tovyuh châ ta, noh ry liata na hriapasana lymâ a châ.

HÔSIA 12:12

Zakaw cha Aramia râh lâ a râ ta, Cha liata Izarei cha lapinô châta a chakao; Lapinô châta mietakuzy a vaih tyh.

1 KAWRINI 7:2

Châhrasala apatlana moleina khôkhâh nawpa ta, chapaw ta lapinô hnei chyu ei sala, chanô chhao ta vahpa hnei chyu mawh ei sy.

RUTHI 4:10

Cha dei châ vei, athipa cha a ryuto râh liata a moh a lei lei nawpa nata athipa moh cha a unawhzy tawhta nata a liahritlona khih thokhy chhikao tawhta chhawh pathlahpa ta a y lei nawpa ta, Mâhlô ta a panôhmeipa Môabâ zuah Ruthi chhao ei lapinô châta ei chalei haw. Tanoh nâmo he pahnokheituhpazy nama châ,” tah ta.