28 Ahrupa chhao â chalih thlâh ha khiahta cha, Asopa hawhta pachâpa châ ta; A hmao a mo khiahta cha, Chyhsa novâhpa hawhta a ngiahpa a châ.
Phie a chalih ha u la cha, Chyhsa sopa nama châ awpa tlai!
Bie rei leipa ta a duah ei ta, Amâ chhy khao leipa chhao ta, Ei hâ thlâh chy aw ei ma?
Asopa paleih ta pahnona papua ta, Ahrupa pakah deikua cha bie hrupa a reih tyh.
Ano dei ta a y nanopa cha ano khopa sai a tluapa châ ta, Sona dopa zydua a dyuhpa a châ.
Hmialâ daihti a pahnopa y leipa ei ta, Thi hnôhlâ ta hmo a y awpa a reih theipa ama y leipa chhao ta, Ahrupa cha bie hluhpi reih ta, a reih via lymâ.
Ahrupa cha lâpi liata a sie no taihta sona a phahla ta, Ahrupa a châzie chyhsa to hnohta a phuah laih.
Pachâna hluh tupa ta mâsapa pahluh ta, bie rei hluh tupa ta hruna bie a papua hluh tyh.