BIESOZY 17:27 - Mara Bible RV (BSI)

²⁷ Bierei a chadopa cha chyhsa sopa châ ta, A reikah a sôhpa chhao chyhsa novâhpa a châ.

BIESOZY 17:27 ပူးပေါင်းရင်းမြစ်များ

BIESOZY 10:19

Bie hluhpi a reihpa cha paraona a phahla leipa ta, A hmao a sohsi theipa deikua cha chyhsa sopa a châ.

BIESOZY 14:29

Hiehâhna kyh liata nainôsôpa chyhsa cha novâhna a hnei hluhpa châ ta, Thlai ta a hie a hâh thlâh ha tyhpa chyhsa deikua cha hruna a cheihchalo tyh.

BIESOZY 15:28

Mosiapa palôh cha â chhy hlâta pachâ tua tyh ta, Moleipa pakah deikua cha hmo pha leipazy a reih pôziah tyh.

BIESOZY 16:32

Chyhsa palôh pasipa cha, Thatlôpa hlâta pha via ta; Ano palôh chô liata bie a hnei theipa chhao, Khihpi a latuhpa hlâta a pha via.

BIECHHOTUHPA 9:17

Ahrupazy hry liata ao paro ngaitapa ta ryureituhpa awhpa hlâta cha, asopa ta a notata bie a reipa nathlie a pha via.

ZÂMIE 1:19

Unawh kho ngaitapa saih u, he he pahno teh u. Chyhsa to ta bie rei a chhu leipa ta, nathlie tlao a chhu ei sala, hiehâh rupa châ mawh ei sy.

ZÂMIE 3:18

Siana thei cha adyryhna taotuhpazy ta adyryhna liata chi ama tupa patheipa a châ.

ZÂMIE 3:2

Eima zydua ta kyh hluhpi liata eimâ chapia tyh. Chyhsa ta a biereipa liata â chapia beih vei khiahta cha, cha chyhsa cha chyhsa pakipa châ ta, a pôhpa zydua chhao a vaih theipa a châ.