BIESOZY 17:2 - Mara Bible RV (BSI)

² Sei sopa cha maophyuhna a tlôkheituhpa sawchapaw chô liata ryureih aw ta, Unawhpa pakha hawhta a zibeipa ryu a to hra aw.

BIESOZY 17:2 ပူးပေါင်းရင်းမြစ်များ

BIESOZY 10:5

Nopi daihti liata a pachô pakhypa cha sawchapaw sopa châ ta, Sâh hria nota a mô thlâh hapa sawchapawpa deikua cha nozana a tlôkhei tyh.

BIESOZY 11:29

Ano chhôhkha a patypamâtuhpa cha ziza ryu to aw ta, Ahrupa cha palôh sopa chakaotuhpa a châ aw.

BIESOZY 14:35

So kawpa ta hmo a taopa chakaotuhpa cha, Abei ta khokhei ta; Nozana a tlôkheituhpa chakaotuhpa chô liata deikua cha, Abei pathiiana ta a tla thlu tyh.

BIESOZY 17:1

Atudaih ngâna o liata kyhchhi pati niepa hlâta cha, Adyryh kawpa ta laochhohpa bawpa a pha via.

BIESOZY 17:3

Pathaisana beih cha tâkâ châta châ ta, Patina mei chhao ngôh châta a châ; Abeipa deikua cha palôh a pasia tyh.

BIESOZY 19:26

A paw chô liata kupathla ta a nô a papuapa sawchapaw cha, Nozana nata nohzaona a tlôkheituhpa a châ.

BIESOZY 29:15

Sôsi nata rana ta sona pie ta, Ano y ta paysapa hawti deikua cha, A nô châta nozana a tlôkhei tyh.

BIECHHOTUHPA 4:13

Bei hrupa machâpa, pachâna lana châh chhao a pahno khao leipa hlâta cha, thyutlia sopa dyhchhiepa a pha via.