BIESOZY 17:19 - Mara Bible RV (BSI)

¹⁹ Moleina hmo taopa a pahâh kawpa cha, A hryuchhia a khohpa châ ta; A chhikao a pasâhpa chhao, Raona a tluapa a châ.

BIESOZY 17:19 ပူးပေါင်းရင်းမြစ်များ

2 SAMUELA 15:1

Cha khai tawhta hetana heta vaw châ ta, Absalaw ta talailih miakha nata arâzy nata chyhsa sypangawh a hmia lâta a râ awpa zy a chhuanoh ta.

1 ABEIZY 1:5

Haki sawchapawpa Adôniza cha anosasyh ta a chaluahpa ta, “Kei he a bei awpa ei châ,” tah ta. Chatanachata talailihzy nata ano hmia lâta a râ awpa arâ pheisaihzy sypangawh pachhuahpanoh ta.

BIESOZY 16:18

Apalaina cha raona hmia lâta sie ta, Akhotlâhna palôh chhao paona hmia lâta a sie.

BIESOZY 17:14

Ahryuna athaona cha ti pasapa hawhta châ ta, Chavâta ahryuna a pua hlâta a hneisai ha mah y.

BIESOZY 18:12

Palôh laina cha raona hmia lâta sie ta, Areisina deikua cha palyupalihna hmia lâta a sie.

BIESOZY 24:27

Khôtho lâta na rai a chhuanoh la, Lyu liata na raizy a ngoh tawhta, Na o cha sa mah y.

BIESOZY 29:9

Chyhsa sopa ta chyhsa hrupa ryureina liata â ngiakhei khiahta cha, Ahrupa cha hiehâhpa nata pahneiparâpa ta y ta, Aryhna y thei vei.

2 KAWRINI 12:20

Ei vy tita, ei pachâpa hawhta ei cha hmô lei awpa ei chi na ta, nâmo chhao ta nama pachâpa hawhta eina hmô lei awpa ei chi ei ngiaroh kaw. Ahryuna, hiatliana, hiehâhna, akhakhaina, areipachhiena, kyh reina, apasâhsana nata tymâna zy a y pathlei aw tahpa ei chi kaw.

ZÂMIE 1:20

Chyhsapa hiehâhna ta Khazohpa siana palâsa vei.