BIESOZY 17:17 - Mara Bible RV (BSI)

¹⁷ Viasa cha khatino rai ta kyhpachâ ta, Unawhpa deikua cha tymâna daihti châta a pihpa a châ.

BIESOZY 17:17 ပူးပေါင်းရင်းမြစ်များ

2 SAMUELA 1:26

Ei unawhpa Zawnathâ y, Ei cha taokheizie rimâ cha! Ei chô liata pha ngaita chi ta, Kyh eina pachâna chi kha noâh a chhih ta, Chanô kyhpachâna hlâta â sâh via.

2 SAMUELA 15:21

Châhrasala Itai ta abei cha a chhy ta, a hnohta, “Abeipa hrona na­ta ei zibeipa abei hrona reipa ta ei reih, ei zibeipa abei yna maih liata, thina rai châ sala, hrona rai châ sala, cha liata châ chakaotuhpa chhao he ei y lymâ hra aw,” tah ta.

ESTHERI 4:14

He hawhpa daihti liata nâ chalih thlâh ha khiahta cha, Zuzy châta abohna nata pachhana su hro lâ tawhta vaw tlô aw ta, nâ nata na paw chhôhkhazy deikua cha nama leidia aw. Beinô na châpa he, he hawhpa daihti châta châ vei tahpa ahy a reih thei aw?” tahpa ta.

BIESOZY 16:28

Ngâchhih leipa chyhsa cha ahryuna chi hie ta, Bieparu rei a hmâhpa chhao viasazy a pachhaih ty.

BIESOZY 18:24

Viasa hluhpi hneipa cha raona châ thei ta, Châhrasala unawh hlâta â i viapa viasa a y.

BIESOZY 19:13

Sawchapaw hrupa cha, A paw châta chhiena châ ta; Lapinô paphôh thaipa chhao, Ti di a thlaoh ngâ thlâh hapa hawhta a châ.

BIESOZY 19:7

A unawhzy hmahta sipasapa cha amâ hao khiahta cha, A viasazy chhochhi ta cha khatlu ta ma amâ hla aw tly! Bie ta âmo cha a chadai ta, Châhrasala ama siesai syulyu haw.

HEBRAI 2:11

Pathaisatuhpa nata pathaisapazy cha ama zydua ta mopakha tawhta a puapa ama châ. Chavâta Zisu ta âmo cha unawhzy tah awpa a noza vei.

RUTHI 1:16

Ruthi ta, “Nâma cha siesai awpa tlyma, nâma ei cha pazipa tawhta kua awpa tlyma ta na reipasao khah y. Na siena lâ maih sie aw na ta, nâ riena maih liata ei rie hra aw. Na chiheihzy cha ei chiheihzy châ aw ei ta, na Khazohpa cha ei Khazohpa a châ aw.

1 SAMUELA 18:3

Zawnathâ ta Dâvi cha ano hrona hawh tlai ta a kyh a pachâpa vâta, a hnohta biehrai tao ta.

1 SAMUELA 19:2

Zawnathâ ta Dâvi hnohta, “Ei paw Sawla heta thie châ chhuah ta. Chavâta mylâ my cha a vaih kaw la, su â nyu kawpa liata y la, cha liata a nyu chy mah y.

1 SAMUELA 19:3

Kei vaw pua aw na ta, na yna kiapâh lyu liata ei paw kiah liata a kei duah aw na ta, na thâtih ei paw ei chho aw. Ei pahnopa a y khiahta cha ei cha chho aw,” tah ta.

1 SAMUELA 20:17

Zawnathâ ta Dâvi cha, a kyh a pachâna kyh reipa ta, bie pataihsa heih ta. Ano hrona kyh a pachâpa tlu ta, Zawnathâ ta Dâvi cha a kyh a vaw pachâpa a châ.

1 SAMUELA 23:16

Sawla sawchapawpa Zawnathâ cha thyu ta, Hôresâ liata Dâvi yna lâ sie ta, Zawnathâ ta Dâvi cha Khazohpa liata a ku thapatlô ta.