BIESOZY 16:9 - Mara Bible RV (BSI)

⁹ Chyhsapa palôh ta a lâpi pachâhpady ta, A lâsie a chhituhpa deikua cha Abeipa a châ.

BIESOZY 16:9 ပူးပေါင်းရင်းမြစ်များ

2 THÂTIHZYRONA 22:7

Châhrasala Zôrâ a kei tlypa cha, Ahazia pao nawpa ta Khazohpa raopa vaw châ ta. A tlô nahta, Nimsi sawchapawpa Zehu a tyh awpa ta Zehôrâ hnohta sie ta. Zehu cha Ahabâ chhôhkha chhawh pathlah awpa ta Abeipa raopa a châ.

HLAZY 37:23

Chyhsa phapa phei chakâna cha Abeipa ta a chhi ta, A lâpi liata â ly kaw tyh.

BIESOZY 16:1

Palôh achhuahna cha chyhsapa eih châ ta, Paleih achhyna deikua cha Abeipa tawhta a châ.

BIESOZY 16:8

Adoleipa ta sôh hluhpi hneipa hlâta cha, A sia kawpa ta a chyhta hneipa a pha via.

BIESOZY 19:21

Chyhsapa palôh liata achhuahna hluhpi y ta, Châhrasala a duah awpa cha Abeipa ryhraopa a châ tyh.

BIESOZY 20:24

Chyhsapa keih chakânazy cha Abeipa raopa châ ta, Kheihta ma chyhsa ta a lâpi a pahno thei aw?

BIESOZY 21:1

Abei palôh cha Abeipa ku liata y ta, Vahtie ti hawhta a khona lâ maih a palosa tyh.

BIESOZY 21:30

Kheihawhpa sona, novâhna nata ryhraothaina hmahta Abeipa cha pahnie aw vei.

ISAI 46:10

Âthaona tawhta chhâna kyh reih ha na ta, Hmo tao mâh leipazy chhao, Hlâno tawhta hetana heta ei reih haw: ‘Ei ryhraopa a duah aw ta, Ei chhuahpa zydua ei tao khai aw.’

ZEREMIAH 10:23

Hy Abeipa, chyhsapa hrona he, Ano chyhsapa eih châ vei tahpa ei pahno; A siena lâpi liata chhao, Anosasyh ta a chhihtha thei vei tahpa ei pahno.

1 SAMUELA 9:16

“Mylâ, he daihti liana heta, Benzami râh tawhta nâ lâta chyhsa pakha vaw pasiesa aw na ta, ei phopi Izarei chô liata ryureituhpa châta sathaw na thu aw. Ano ta ei phopi cha Philistinâ mo ku tawhta a pachha aw. Ei phopi chapa pyu ta ei kô kaw daih ta, ei phopi pasataona ei hmô haw,” tahpa ta vaw pahnosa chhielie ha ta.