BIESOZY 16:7 - Mara Bible RV (BSI)

⁷ A hroziezy ta Abeipa a palysapa chyhsa cha, A chariahpazy taihta ano nata a ryh awpa ta Abeipa ta a taopa tyh.

BIESOZY 16:7 ပူးပေါင်းရင်းမြစ်များ

ÂTHAONA 27:41

A paw ta byhnâ a patosa hapa vâta, Zakaw cha Esaw ta a hao kaw ta. Esaw ta a palôh liata, “Ei paw mâchhie eima sa nawpa nohzy a hnia ha ta, cha tina chata ei unawhpa Zakaw cha ei thie aw,” tah ta.

ÂTHAONA 32:28

Chyhsa chata, “Na moh Zakaw cha tah khao aw veih ei, Izarei na châ ha aw, Khazohpa nata chyhsapa a pia chi ta, na pahnie hapa vâta,” tah ta.

ÂTHAONA 33:4

Esaw cha Zakaw a tyh awpa ta a râ ta, a pyh ta, a ku ta rao liata a pyh ta, a pahnâ ta, ama pano ta cha ei ta.

2 THÂTIHZYRONA 17:10

Zudâh râh chheipâh nata khizaw liata khinarâh zydua cha Abeipa china ta patu ta, Zehôsaphâ cha ahy ta hmah a dyuh ngâh khao veih ei.

2 THÂTIHZYRONA 20:30

Zehôsaphâ cha Khazohpa ta a chheipâh râh zydua tawhta apahâna a piepa vâta, a khinarâh cha sidiapa ta y ta.

EZRÂ 8:36

Abei biepapuapa cha, Chavah Haosâ lâta beimachâzy nata râhvaotuhpazy pie ei ta, âmo ta zawpi nata Khazohpa o raihriazy cha ama bao lymâ.

HLAZY 69:31

Cha chata viahchao tôhpa hlâpa hlâta, Abeipa palysa via aw ta; Ki nata chakiezy a hneipa viahchao tôhpa hlâpa hlâta, Abeipa a palysa via aw.

PUASAINA 3:21

Izarei phopi he Izi mo hmiakô liata ngiachhiena pahlaosa aw ei na ta, nama sie tita aruapa ta sie aw veih ei chi.

BIESOZY 16:8

Adoleipa ta sôh hluhpi hneipa hlâta cha, A sia kawpa ta a chyhta hneipa a pha via.

BIESOZY 3:17

A lâpizy cha lâpi khochhihpazy châ ta, A lâthlôh zydua cha thlalôhna lâthlôh a châ.

ZEREMIAH 15:11

Abeipa ta hetana heta einâ chhy: “Hmo phapa châta Izarei laibâhpa chi cha ei cha pachha tlai aw. Chatanachata na chariahpazy cha, chhiena daihti nata nôpona daihti liata âmo châta thlahchhâ awpa ta, nâma liata châ hia awpa ta ei tao aw ei.

ZEREMIAH 39:12

“Zeremiah cha kei la la, a phapa ta mohôh mah y. Pasasa leipa la, a cha chhopa hawhta a chô liata tao mah y,” tahpa ta biepie ta.

ZEREMIAH 42:12

Babylaw bei ta cha ngiachhie ei sala, nama râh chyu liata pahrâ lymâ awpa ta a pasai thei nawpa ta, nama chô liata ngiachhiena ei palâsa aw.

DÂNIAH 1:9

Khazohpa ta Dâniah cha bei chakaotuhpazy hyutuhpa mohmô liata khokheina nata ngiachhiena patosa ta.

RAWMA 8:31

Cha kyhzy liana chata khâpa eima reih khao aw? Khazohpa eima chhâh â châ khiahta cha, ahy miah a dyuh thei aw?

PHILIPI 4:18

Châhrasala ato hnei na ta, ei hnei hluh ngaita. Epâpharôditâ ku liata hmosaipiepazy eina vaw paphaopa ei chi kha vaw hmô na ta, ei dôkhâ haw. Nama hmosaipiepazy kha atheihna a pyh tlâhpa nata Khazohpa a palysapa, ropahâhpa hmohlâpa a châ.

KAOLAOSÂ 1:10

Chatanachata Abeipa hmâ tlâhpa chyhsa châ aw ei chi ta, kyh to liata ano palôh patlâhpa ta, raihria to liata pathei aw ei chi ta, Khazohpa pahnona liata nama laiseih rili aw.

KAOLAOSÂ 3:20

Saw saih u, ato liata nama nôpawzy bie zyh teh u, cha cha Abeipa alynazie a châ.

HEBRAI 13:21

a khopa nama tao thei nawpa ta hmo pha to ta cha tobi ei sala, a mohmô liata â lynazie ta nama y lymâ thei nawpa ta, Zisu Krista zawhzi ta nâmo liata hria lymâ sala, Zisu Krista hnohta chhâzaw nata tlyzaw ta rônahna y mawh sy. Amen.

1 PITY 3:13

Hmo pha taona liata phahnai namâ ngiah khiahta cha, ahy châ parao thei aw ei?

1 ZAWHÂNA 3:22

A biepiepazy zyh pi ta, â lyna hmo eima taopa vâta, eima hiapa maih ano tawhta eima hmô tyh.