BIESOZY 16:32 - Mara Bible RV (BSI)

³² Chyhsa palôh pasipa cha, Thatlôpa hlâta pha via ta; Ano palôh chô liata bie a hnei theipa chhao, Khihpi a latuhpa hlâta a pha via.

BIESOZY 16:32 ပူးပေါင်းရင်းမြစ်များ

2 ABEIZY 5:12

Dâmaskâ liata Abanâ nata Phâpa chavahzy cha Izarei ti zydua hlâta pha via veih ei ma? Chazy liata ngai a sipa ta a pathai thei va na ma?” tah ta. Chatanachata a lie ta, hiehâh ngaitapa ta sie ha ta.

HLAZY 103:8

Abeipa cha zawngiahna nata ngiachhiena a hneipa châ ta, Hiehâhna kyh liata nainô sôpa ta, Kyhpachâna tleih beih leipa ta a biepa a châ.

BIESOZY 14:29

Hiehâhna kyh liata nainôsôpa chyhsa cha novâhna a hnei hluhpa châ ta, Thlai ta a hie a hâh thlâh ha tyhpa chyhsa deikua cha hruna a cheihchalo tyh.

BIESOZY 15:18

Chyhsa pathichhiepa cha ahryuna pathyu ta, Nônaipa deikua cha aeichhiana a padia tyh.

BIESOZY 16:19

Apalaipazy hry liata hraona sôh a raipa hlâta cha, Sipasapazy hry liata areisina palôh phaopa a pha via.

BIESOZY 16:31

Luh pawhpa cha rônahna lakho châ ta, Siana hro vâta hmôpa a châ.

BIESOZY 16:33

Nuby cha byhpi chô liata a daopa châ ta, Biechhâna deikua cha Abeipa tawhta a châ tyh.

BIESOZY 19:11

Sona ta chyhsa palôh pasisa ta, Pasasana mopakhôpa cha a rônahna a châ.

BIESOZY 25:15

Palôh pasina ta ryureituhpa pahnie theipa châ ta, Paleih naipa ta ru a pakei thei.

BIESOZY 25:28

Anosasyh â pahnie leipa chyhsa cha, Khihpi chopa thokhy a hnei leipa hawhta a châ.

BIECHHOTUHPA 7:8

Hmo chhâna cha â thaona hlâta pha via ta, Palôh maoh oh theina cha palôh laipa hlâta a pha via.

BIECHHOTUHPA 7:9

Hiehâhna cha ahrupazy palôh liata riehmo a paryhpa châ ta, Chavâta hiehâh awpa ta na palôh a para khah y.

RAWMA 12:21

Moleina a patiahsa leipa la, phana ta moleina cha tlao tiah mah y.

EPHESI 5:1

Chavâta Khazohpa kyhpachâpa sawzy nama châpa hawhta, a hâ a latuhpazy châ teh u.

ZÂMIE 1:19

Unawh kho ngaitapa saih u, he he pahno teh u. Chyhsa to ta bie rei a chhu leipa ta, nathlie tlao a chhu ei sala, hiehâh rupa châ mawh ei sy.

BIEPHUAH 3:21

Pahniena to na ta, ei Paw hnohta a beidyuchhai liata ei tyupa hawhna heta, pahnietuhpa cha ei beidyuchhai liata ei hnohta ei patyusa aw.