BIESOZY 16:18 - Mara Bible RV (BSI)

¹⁸ Apalaina cha raona hmia lâta sie ta, Akhotlâhna palôh chhao paona hmia lâta a sie.

BIESOZY 16:18 ပူးပေါင်းရင်းမြစ်များ

ESTHERI 3:5

Môdekai ta a hmiakô liata â bôh leipa nata â naoh leipa Hâmâ ta a hmô nahta, Hâmâ cha hiehâhna ta bie ta.

ESTHERI 6:6

Hâmâ cha a ngia ta, abei ta a hnohta, “Abei ta a palyupalih khohpa chyhsa châta khâpa taopa châ sala a pha aw?” tah ta. Hâmâ cha a palôh liata, “Abei ta kei hlâta a palyupalih khoh viapa ahy a y hlei aw,” tahpa pachâ ta.

ESTHERI 7:10

Chatanachata Hâmâ cha Môdekai paaosao nawpa ta a taopa liata paaosao ei ta. Cha khai tawhta abei pathiiana cha dia ha ta.

BIESOZY 11:2

Apalaina a vaw y nahta, Maophyuhna vaw y ta; Areisipa deikua cha, Sona a hneipa a châ.

BIESOZY 17:19

Moleina hmo taopa a pahâh kawpa cha, A hryuchhia a khohpa châ ta; A chhikao a pasâhpa chhao, Raona a tluapa a châ.

BIESOZY 18:12

Palôh laina cha raona hmia lâta sie ta, Areisina deikua cha palyupalihna hmia lâta a sie.

BIESOZY 29:23

Chyhsa cha â palaina ta ano panawh aw ta, Chyhsa areisipa deikua cha palyupalihna a hlao aw.

BIESOZY 8:13

Abeipa china cha moleina a haopa a châ. Apalaina nata apasâhsana a hao na ta, Moleina hro zy ei hao; Phichhyhpa bie chhao ei hao.

ISAI 37:38

Noh kha cha a khazoh Nisrô o liata khazoh â chhy hai nota, a sawchapawpa Adarâmele nata Sareze ta zaozi ta chhawhsao ei ta, Ararâ lâ ama râ hapa vâta, a sawchapaw hropa Esâhadô ta ano su liata â bei haw.

ZEREMIAH 49:16

Nâ lôkhaohzy liata pahrâ chi ta, Tlâh laki liata a tlaih tyhpa y, Chichhihna na taopa ta cha dôvei ta, Na palôh apalaina ta a cha dôvei haw. Pahmôhpi bu tlu ta a sâhpa ta na bu tu hra la, Cha tawhna chata ei châ dao pathlah aw,” Abeipa ta a tah.

ZEREMIAH 50:32

“Apalaipa chyhsa cha, A chapiapa ta pao aw ta, A pathyu awpa y aw veih ei; A khihpizy liata mei patih aw na ta, A chheipâh liata a ypa zydua a kâ khai aw.

EZEKIA 28:17

Na chhithaina vâta na palôh lai ta, Na sona cha nâma rônahna châta na hmâh tyh. Chavâta alei liata cha thy na ta, Beizy mo lôhrâ patlô nawpa ta, Ama hmiakô liata ei cha chaluah.

EZEKIA 29:9

Chatanachata Izi râh cha roryhrapa nata râh rypa vaw châ aw ta, kei he Abeipa ei châ tahpa ama pahno aw. “‘Nile he keima eih châ ta, kei ta ei taopa a châ,’ na tahpa vâta,

DÂNIAH 11:12

Pheisaihzy cha chho lâ a chhipa ta ama y nahta, chho bei palôh cha thata a kaw palai aw ta, sâh hluhpi a thie aw ei. Châhrasala a duah patlô aw vei.

DÂNIAH 5:22

Nâ a sawchapawpa Belsâza heta, cha zydua cha na pahno thlâh hana chôta, na palôh a panawh khoh va chi.

DÂNIAH 5:24

Chavâta ano ta ku vaw tuah ta, he châropa he a vaw ropa a châ hih.

MATHAI 26:74

Pity ta, “Cha chyhsa cha pahno va na,” tahpa ta chhie a sa khâh ta. Cha khaipa nahta, awh khoh pâ ha ta.

LUKA 14:9

nama pano ta châ hruatuhpa cha a vy aw ta na hnohta, ‘Nâ tyuna kha he chyhsa he tlei teh,’ cha tah aw ta, nâ cha noza ngaitapa ta atyuna a hnai chaipa liata a tyuh awpa na châ pathlei aw.

RAWMA 11:20

 do. Âmo cha ngiapâleina vâta thliepa châ ei ta, nâ deikua cha ngiapâna vâta a duahpa na châ. Chavâta a palai leipa la, tlao chi mah y.

1 TIMAWTHY 3:6

Ngiapâ thiehpa chyhsa a châ awpa châ vei. Chataleipatala a palai aw ta, ahripa thailei pachâsana liata a pao pathlei aw.

RYUREITUHPAZY 11:28

Châhrasala Amawna bei ta Zephathâ bietapa cha nathlie khoh leipa ta.

1 SAMUELA 17:42

Philistinâ chyhsa cha a vaw heih ta, Dâvi a vaw hmô nahta, sabia panyupa nata a mopadei a ngia kawpa thyudyupa dei a châpa vâta mohnao kaw ta.