BIESOZY 15:8 - Mara Bible RV (BSI)

⁸ Moleipa atheihna hlâpa cha Abeipa châta pasichhihpa châ ta, Chyhsa dopa thlahchhâna deikua cha Abeipa ta â ly.

BIESOZY 15:8 ပူးပေါင်းရင်းမြစ်များ

2 SAMUELA 15:12

Absalaw ta atheihnazy a hlâ chhôh ta chyhsa tuah ta, Kilô khihpa Ahitôphe, Dâvi ryhraokheituhpa cha, a khih Kilô lâ kei palasa ta. Teiparuna cha a thatlô via lymâ ta. Absalaw py chhao pôh via lymâ ei ta.

1 ABEIZY 3:10

Sawlawmaw hmo hiapa chata Abeipa cha palysa ngaita ta.

1 THÂTIHZYRONA 29:17

Ei Khazohpa y, nâ cha palôh mohpasia chi ta, adona liata nâ ly tahpa ei pahno. Palôh dopa phaopa ta, he hmozy he keima lôhthai tlai ta ei vaw hlâ. He liata a ypa na chyhsazy chhao heta âmo lôhthai tlai ta, a ly ngaitapa ta ama cha vaw hlâ tahpa ei hmô.

HLAZY 141:2

Ei thlahchhâna he, Ropahâhpa hawhta na hmiakô liata châ sala; Ei ku chaluahpa he, Zâlâ atheihna hawhta châ mawh sy!

HLAZY 17:1

Hy Abeipa, adona bie thei la, Ei cha awna he nathlie mah y! Dôveina a y leipa ei hmao tawhta thlahchhâna lâ Na nah pachôh mah y!

BIESOZY 10:24

Moleipa cha a chipa hawh tlai ta a chô liata vaw tlô aw ta, Mosiapa khopa deikua cha piepa a châ aw.

BIESOZY 15:29

Abeipa cha moleipa tawhta a hla ta, Mosiapa thlahchhâna deikua a thei tyh.

BIESOZY 15:7

Asopazy hmao cha pahnona hiepatla ta, Ahrupazy palôh deikua cha cha hawhta châ vei.

BIESOZY 21:27

Moleipa atheihna hlâpa cha pasichhihpa châ ta, Moleina palôh chhaota a hlâpa chhochhi cha pasi â chhih via pachai.

BIESOZY 21:3

Abeipa châta cha siana nata adona ta hmo taopa he, Atheihna hlâta a pyh tlâh a châ via.

BIESOZY 28:9

Ryhpa nathlie khoh leipa ta a nah su hro lâ a paheipa cha, A thlahchhâna chhao pasichhihpa a châ.

BIECHHOTUHPA 5:1

Khazohpa o lâ na pangai nota na phei a phapa ta vaih mah y. Ahrupazy atheihna hlâpa hlâta bie nathlie awpa ta a hniapa a pha via, ahrupazy cha khâpa ma ama tao tahpa ama pahno leipa vâta.

HLAZY HLA 2:14

Hy ei vachhuh, lôpanô keipazy liata a nyu chi ta, Lôkâhpa khuazy liata a y tyhpa y, Na hmia na pahmô la, Na ao na patheisa mah y; Na ao thlôh ta, Na hmia kho â chhih kaw dia!

ISAI 61:8

Kei, Abeipa he adona pasô na ta, Hraona nata adoleina ei hao. Ama chô liata ei ngâchhihna palâsapa ta, Ama pasataona lymâ pie aw ei na ta, Ama hnohta chhâzaw biehrai ei tao aw.

ISAI 66:3

“Âmo khopa lâpi a tlyh ei ta, Hmo pasichhihpazy taopa liata Ama hro a lypazy deikua cha, Viahchao tôhpa ta atheihna hlâ hra ei sala, Chyhsapa a thiepa hawhta châ ei ta; Mietakutaw ta atheihna hlâ hra ei sala, I rao a thliepa hawhta ama châ; Niepa hlâna hlâ hra ei sala, Vao thisaih a hlâpa hawhta châ ei ta, Atheithlâhna ropahâhpa hlâ hra ei sala, Khazoh nothlahpa a reithaipa hawhta ama châ.

ZEREMIAH 6:20

Sebâ tawhta a vypa deiryh cha, Khâpa ma ei taona aw? Râh hlapi tawhta basuh a vypa chhao, Khâpa ma ei taona aw? Nama raopa hlânazy a pyh tlâh châ leipa ta, Namâ theihnazy ta na palysa hra vei.

DÂNIAH 9:23

Thlahchhâ nâ thaopa nah kha ta, bie pua ha ta, cha kyh cha cha chho awpa ta ei vy, pasâhsa a chhih ngaitapa na châpa vâta. Chavâta bie he pachâ la, aluahna cha pahno mah y.

THEIHTHAINA 7:18

Aryhna hlâna châta atheihna sa kheihawhpa rai, a noh thôhna noh ta ama nie khiahta cha, atheihna cha a pyhpa châ aw vei. Hlâtuhpa chhao hmo a hlâpa hawhta pachâpa châ aw vei. Hmo pathaih leipa châ aw ta, a niepa maihta a hmo paraona maoh ama phaoh aw.

MIKÂ 6:6

“Khâpa a cheipa ta ma, Abeipa hmiakô lâ vawh aw na ta, Khazoh chônôchaipa hmiakô liata ei bôh aw tly? Raopa hlânazy cheipa ta ma, Viahchaotaw kô khapazy cheipa ta ma, Abeipa hmiakô lâ cha ei vawh aw?

MIKÂ 6:7

Mietaku tôhpa sâh hluhpi cheih aw sah la, Abeipa cha a palysa aw ma? Sathaw chavah thy hluhpi ta Abeipa cha a palysa aw ma? Ei sawchapaw uhtheipa he ma, Ei paraona ngiahthai nawpa ta ei hlâ aw? Ei pôhpa thei he ma, Ei thlahpa moleina ngiahthai nawpa ta ei hlâ aw?”

HÂKAI 2:14

Hâkai ta, “He phopi nata he râh chhao he, keima mohmô liata la, cha hawhpa tlai cha ama châ, ama hmotaopa nata ama hmohlâpa zydua pathaih tlâ vei, Abeipa ta a tah” tah ta.

MALAKHAI 1:10

“Aw, pakha chhâ ta ei ochhizy khaw ha u la cha, hraoleipa ta ei maisâh liata mei nama pati ngâ kaw lei awpa tlai,” Pheisaihzy Abeipa ta a tah. “Nama chô liata ei palôh tlâh vei, chavâta nama ku tawhta hmohlâpa a pyh aw va na,” Pheisaihzy Abeipa ta a tah.

ZAWHÂNA 4:24

Khazohpa cha Thlahpa châ ta, ano achhytuhpazy ta thlahpa nata biehmeiseihpa ta amâ chhy awpa a châ,” tah ta.