BIESOZY 15:7 - Mara Bible RV (BSI)

⁷ Asopazy hmao cha pahnona hiepatla ta, Ahrupazy palôh deikua cha cha hawhta châ vei.

BIESOZY 15:7 ပူးပေါင်းရင်းမြစ်များ

HLAZY 119:13

Na pakah ta na phuahpa ryhpa bie zydua, Ei hmao ta ei phuah lymâ aw.

HLAZY 37:30

Mosiapa pakah ta sona bie reih ta, A paleih ta adona bie a reih tyh.

HLAZY 45:2

Chyhsa sawzy hlâta chhithai chai chi ta, Na hmaozy liata ngiachhiena hrypa châ ta, Chavâta Khazohpa ta chhâzaw ta vânoh a cha patosa.

BIESOZY 15:2

Asopa paleih ta pahnona papua ta, Ahrupa pakah deikua cha bie hrupa a reih tyh.

BIESOZY 15:6

Mosiapa o liata cha sôh hluhpi y ta, Moleipa sôh hmôpa deikua cha tymâna a tlôkhei tyh.

BIESOZY 15:8

Moleipa atheihna hlâpa cha Abeipa châta pasichhihpa châ ta, Chyhsa dopa thlahchhâna deikua cha Abeipa ta â ly.

BIESOZY 16:23

Asopa palôh ta a pakah pasosa ta, A hmao liata thaina a baichha tyh.

BIESOZY 5:2

Chatanachata novâhna hnei aw chi ta, Na hmaozy ta pahnona â vao aw.

BIECHHOTUHPA 10:2

Asopa palôh cha chachâh lâ a heih ta, Ahrupa palôh deikua cha chavei lâ â heih tyh.

HLAZY HLA 4:11

Hy keima myuh thieh, Na hmao tawhta pawti a thlaoh ta, Na paleih ry liata kheihti nata sâhpiti a y; Na chysia roh cha Lebanaw roh a lyu.

MATHAI 10:27

Zohna liata ei cha chhopa ei he, khaihna liata reih u la, bieparu ta nama theipa kha, vâphuh chô tawhta awh teh u.

MATHAI 12:34

Vâzi pathlazy saih u, nâmo moleipazy ta kheihta hmo phapa nama reih thei aw? Palôh liata a bie pakhôpa cha pakah ta a reih papua tyh.

MÂKA 16:15

Ama hnohta, “Khizaw zydua liata sie u la, hmotaopa zydua hnohta thâtihpha chho teh u.

EPHESI 4:29

Bie pha leipa rai nama pakah tawhta pua khah sy. Chyhsa taopathi nawpa bie deita, a daihti nata su a hmiepa ta, nama pakah tawhta pua mawh sy. Chatanachata a theituhpazy châta ngiachhiena ama tona a châ aw.

2 TIMAWTHY 2:2

Pahnotuhpa hluhpi hmiakô liata ei bie reipa na theipazy kha, mohropazy a pachu pachhuah thei awpa chyhsa ngâchhihpazy ku liata pavaosa mah y.

ZÂMIE 3:6

Paleih he mei châ ta, moleina khizaw a châ. Eima pôhpa pachiahpazy hry liata mei tlu ta chichhihpa châ ta, moleina tao awpa ta thatlô ngaitapa a châ. Paleih chata pôhpa zydua papuapalei ta, hro chhôh khihsatôhtuna zydua mei ta pakâ ta, hriena su mei tipo lâ a chhituhpa a châ.