BIESOZY 15:28 - Mara Bible RV (BSI)

²⁸ Mosiapa palôh cha â chhy hlâta pachâ tua tyh ta, Moleipa pakah deikua cha hmo pha leipazy a reih pôziah tyh.

BIESOZY 15:28 ပူးပေါင်းရင်းမြစ်များ

HLAZY 59:7

Moh teh u, ama pakah ta pa-ua ei ta, Ama hmaozy liata zaozi y ta, “Ahy miah a thei aw?” ama tah tyh.

BIESOZY 10:19

Bie hluhpi a reihpa cha paraona a phahla leipa ta, A hmao a sohsi theipa deikua cha chyhsa sopa a châ.

BIESOZY 10:32

Mosiapa hmaozy ta a pyh tlâhpa pahno ta, Moleipa pakah deikua cha nôchhiena bie a reih tyh.

BIESOZY 13:16

Asopa cha pahnona ta hmo tao ta, Ahrupa deikua cha a hruna a paziah tyh.

BIESOZY 15:2

Asopa paleih ta pahnona papua ta, Ahrupa pakah deikua cha bie hrupa a reih tyh.

BIESOZY 16:23

Asopa palôh ta a pakah pasosa ta, A hmao liata thaina a baichha tyh.

BIESOZY 29:11

Ahrupa cha a hiehâhna zydua reih papua ta, Asopa deikua cha nyu ta â chalihkhei tyh.

BIESOZY 29:20

Bie rei a chhaohdaolaohpa na hmô tyh ma? Cha chyhsa hlâta cha ahrupa châta hnabeiseihna a y via.

BIECHHOTUHPA 5:2

Na pakah a para leipa la, na palôh ta Khazohpa hmiakô ta bie rei awpa chatlie tu khah sy. Khazohpa cha avâ liata y ta, nâ deikua cha alei liata y tlôh chi ta, chavâta bie reih chyh mah y.

BIECHHOTUHPA 5:6

Na pakah ta cha pamoleisa leipa sala, vâlyuhchâpa hmiakô liata, taopasipa a châ tah hra khah y. Khazia Khazohpa cha na bie vâta a hiehâhpa ta, na ku raihriazy a parao aw?

MATHAI 12:34

Vâzi pathlazy saih u, nâmo moleipazy ta kheihta hmo phapa nama reih thei aw? Palôh liata a bie pakhôpa cha pakah ta a reih papua tyh.

1 PITY 3:15

Nama palôh liata deikua cha, Krista cha Abeipa ta hnei u la, hnabeiseihna nama hneina chhâpa châ hiahripa maih a chhy awpa ta khatino rai ta a mâ chiehpa ta y teh u. Cha hawhta nama tao tita deikua, nônaina, zana nata

2 PITY 2:18

A patahtheisa kawpa ta bie hraoleipazy reih ei ta, moleipa chyhsazy tawhta a râ dyupazy cha, sapa aohraohna moleina liata ama pahluasa tyh.