BIESOZY 15:27 - Mara Bible RV (BSI)

²⁷ Athôhna doleipa hmô khohpa ta karâypa chyhsa cha, A chhôhkha châta tymâna tlôkhei ta; Panaopapana a haopa deikua cha, A hro a pareih aw.

BIESOZY 15:27 ပူးပေါင်းရင်းမြစ်များ

1 ABEIZY 2:40

Simei cha thyu ta, alâ ky padia ta, a seizy tlua awpa ta Kâthâ bei Akisâ lâ cha sie ta. Simei cha sie ta, a seizy cha Kâthâ tawhta a vaw liekhei ta.

2 ABEIZY 5:27

Nâmâ phawhpa kha ta cha patu aw ta, na pathlazy chhao chhâzaw ta a patu lymâ aw,” tah ta. Chatanachata Kehâzi cha Elaisâh hmiakô tawhta pua ta, dâhaw hawhta ngyuhpa ta, phawhpa vaw châ ha ta.

HLAZY 15:5

A pôhna chhaota a sôh dyu a pacheisa leipa, Moleina a hnei leipa thailei pachâsa nawpa ta panaopapana a la leipa; Chazy chata na poh o liata tlôh aw ei ta, Na tlâh pathaihpa liata ama pahrâ aw. Cha hmozy a taotuhpa cha a chalyu beih aw vei.

PUASAINA 18:21

Cha thota, chyhsa hmâ tlâhpa, Khazohpa a chipa, ngâchhihpa nata avyuhna a haopa chyhsazy zawpi hry tawhta a tlyh aw chi ta, âmo cha sâh kha chô liata hyutuhpa ta zy, za kha chô liata hyutuhpa ta zy, sypangawh chô liata hyutuhpa ta zy, pahrawh chô liata hyutuhpazy ta na rao aw ei.

PUASAINA 23:8

Panaopapana na la awpa châ vei. Panaopapana ta mo pavâpa mo pachaosa ta, mosiapa cha biedopa tawhta a patleisa tyh.

BIESOZY 1:19

He he avyuhna ta athôhna a chadaipa karâypa chyhsa zydua chhâna a châ, Avyuhna ta hneipa sôh chata a hneituhpazy hrona a pahlei tyh.

BIESOZY 11:19

Siana liata â ipa ta a duahpa cha hrona to aw ta, Moleina hmo a chadaituhpa deikua cha a thi aw.

BIESOZY 11:29

Ano chhôhkha a patypamâtuhpa cha ziza ryu to aw ta, Ahrupa cha palôh sopa chakaotuhpa a châ aw.

BIESOZY 15:26

Moleipazy pachâna cha Abeipa châta pasichhihpa châ ta, Mopathaihpazy bie deikua cha khochhihpa a châ.

BIESOZY 20:21

Âthaona liata tararuahna ta râh hneipa cha, Achhâna lâta byhnâ châ khao tyh vei.

BIESOZY 23:4

Hneirôh awpa ta na rie a pathei tu leipa la, Â daihna rakha pahno awpa ta so thai kaw mah y.

BIESOZY 28:16

Novâhna a phahlapa ryureituhpa cha, Tlybaituhpa nôchhiepa châ ta; Adoleipa ta athôhna hmôpa a haotuhpa deikua cha, A hro chhôh kôzy a pasisa aw.

BIESOZY 28:25

Karâypa chyhsa cha ahryuna pathyu ta, Abeipa a ngâtuhpa deikua cha pathawhsapa a châ aw.

BIESOZY 29:4

Abei ta adona ta râh padua ta, Hmopiepa a latuhpa deikua ta cha a parao tyh.

ZEREMIAH 17:11

Hmo doleipa taopa ta a hneirôhpa cha, Ano tih leipazy tlô ta a pakeisapa Bykheihpa hawhta a châ; A lochona daihti liata ano cha siesai aw ei ta, A chhâna lâta cha ahrupa lâta a pua aw.

RYHPACHANEINA 16:19

Adona nama charichamy awpa châ leipa ta, khokhei viapa nama hnei awpa châ vei. Panaopapana nama la awpa châ vei. Panaopapana ta asopazy mo pachao ta, mosiapazy â sia lâta bie a pareisa tyh.

RYHPACHANEINA 7:26

Na o chhôh liata hmo pasichhihpa nâ ngiakhei awpa châ vei. Chataleipatala nâ chhao, cha hmo hawhta pahleipadiapa na châ aw. Cha cha chhiesapa hmo a châpa vâta na pasi kaw awpa châ ta, nâ hao ngaita awpa a châ.

1 TIMAWTHY 6:10

Tâkâ sôh kyh liata karâyna cha moleina to thabypa a châ. Thokha sôh tlaichhaina vâta ngiapâna paviasai ei ta, pachârôhna hluhpi taopa ta, âmosasyh amâ pasasa tyh.

1 TIMAWTHY 6:9

Hneirôh a chhuahpazy ta reipasaona liata a ngia ei ta, khoheih liata amâ ao tyh. Âmo a parao thei awpa hmozy khoh ei ta, hru kawpa ta hmo taopa ta, ama pao tyh. Hneirôh khona ta chyhsazy cha raona nata leidiana liata a pamôh tyh ei.

ZAWSUA 6:18

Pahleipadia awpa hmo kheihawhpa hmah namâ la awpa châ vei. Pahleipadia awpa hmozy namâ la khiahta cha, nâmosasyh ta nama chô liata chhiesana patlôsa aw ei chi ta, Izarei riehmo chhiesapa ta tao aw ei chi ta, nôpopa ta nama soh pathlei aw.

1 SAMUELA 12:3

Tahmâ nama hmiakô liata ei duah hih. Eina reipasipasua nawpa ei chi nama hneipazy cha, Abeipa hmiakô liata nata a sathawthupa hmiakô liana heta reih teh u. Ahy viahchao tôhpa ma ei chhu? Ahy alâ ma ei chhu? Ahy ma ei dôvei? Ahy ma ei tlybai? Ahy ku tawhta ma panaopapana ei la? Cha panaopapana chata a mo a pachaopa ei châ ma? Reih teh u, ei cha thô khai aw ei,” tah ta.