BIESOZY 14:26 - Mara Bible RV (BSI)

²⁶ Abeipa a chipa chyhsa cha a riahpha ta, A sawzy ta a chhai awpa ama hnei.

BIESOZY 14:26 ပူးပေါင်းရင်းမြစ်များ

ÂTHAONA 31:42

Nâ pathlatuhpa Khazohpa, Abarahâ Khazohpa nata Aisika China zy ta ei chhâh nâ châh vei chhochhi mawh sala, ku ruapa ta eina pasiesa hmeiseih thlâh ha aw chi. Khazohpa ta ei rietheizie nata ei ku hriapasaziezy hmô ta, zâhnia zâ ta a cha chhoreipa a châ chuh,” tah ta.

HLAZY 112:1

Abeipa cha reithai teh u! Abeipa biepiepazy liata a ly ngaita ta, Ano a chipa cha a nohlao na!

BIESOZY 14:27

Abeipa china cha hrona tihnawh châ ta, Abeipa a chituhpa cha thina khoheih a khôkhâh aw.

BIESOZY 18:10

Abeipa moh cha thokhy a sâhpa thatlôpa châ ta, Mosiapazy ta cha lâ a râ ei ta amâ boh tyh.

BIESOZY 19:23

Abeipa china cha hrona tlôkhei ta, A hneipa maih palôh pahâ kawpa ta a pahâ ei ta, Chhiena ta âmo cha tly aw vei.

BIESOZY 20:7

Mosiapa cha â dona hrokhei lymâ ta, A vaw pazi awpa a pathlazy thlaochhipa ta ama y aw.

BIECHHOTUHPA 7:18

He he nâ patu awpa a pha, pathlie cheita khah y. Khazohpa a chituhpa cha, cha hawhta tah tu pâpa hnei lei awpa ta â vaih aw.

ISAI 33:6

Ano cha na hro chhôh ta nâ ichana a châ aw; Na pachhana sôhpa châ aw ta, Na sona nata na pahnona a châ aw; Abeipa china cha Zaio ryusôhpa a châ.

ZEREMIAH 15:11

Abeipa ta hetana heta einâ chhy: “Hmo phapa châta Izarei laibâhpa chi cha ei cha pachha tlai aw. Chatanachata na chariahpazy cha, chhiena daihti nata nôpona daihti liata âmo châta thlahchhâ awpa ta, nâma liata châ hia awpa ta ei tao aw ei.

MALAKHAI 4:2

“Châhrasala nâmo, ei moh a chizapazy châta siana noh, a mathlaw liata tlâhna a ypa noh a vaw chhi aw. Pua aw ei chi ta, viahchaotaw a o tawhta pazopa hawhta châki nama zoh aw.

HMOTAOPAZY 9:31

Chatanachata Awnanopa sahlaozy cha Zudia râh, Kâlili râh nata Samâri râh zydua liata a i via rilipa ta, thlalôhpa ta y ei ta. Abeipa china liata nata Thlahpa Pathaihpa thlapalôhna liata hroh ei ta, ama pôh via lymâ.